Asteazkenetik aurrera, ibilgailu elektrikoak kargatzeko %20ko hobaria eska daiteke Estella-Lizarrako Udalak autobus geltokiaren ondoan jarritako puntuetan
Helbide fiskala hirian duten pertsona eta erakundeek baliatu ahal izanen dute deskontu hau
2026ko irailak 2
Geltokiko aparkalekuan ibilgailu elektrikoak kargatzeko dauden bi puntuak martxan daude jada
Azpiegitura berriak lau ibilgailu aldi berean kargatzeko aukera ematen du, 0,30 euro kW/h-ko prezioan eta %20ko hobariarekin helbide fiskala hirian izanez gero
Estella-Lizarrako Udalak autobus geltokiko lur gaineko aparkalekuan ibilgailu elektrikoak kargatzeko paratu dituen bi guneak martxan dira dagoeneko. Bi kargagailu bikoitz horiei esker, lau ibilgailu har daitezke aldi berean.
Lau plazak birkargatzeko baino ez dira erreserbatu eta ezin izanen dira aparkaleku iraunkor gisa erabili. Zerbitzuaren funtzionamendua udal ordenantza batek arautzen du.
Ekipo erdi-azkar horiek kargatzeak 0,30 euroko kostua du kWh bakoitzeko, BEZa barne. Tarifa hori urtero eguneratuko da. Helbide fiskala Lizarran duten ibilgailuek, gainera,% 20ko hobaria izanen dute, aldez aurretik eskatu eta baimena emanez gero.
‘Navarra te recarga’ app-aren bidez kargatzea
Kargagailuak erabiltzeko ‘Navarra te recarga’ aplikazioa deskargatu behar da, Android zein iOSerako eskuragarri dagoena. Tresna hori 2022an jarri zuen martxan Nafarroako Gobernuak, tokiko administrazioen kargatze elektrikoko puntuak kudeatzeko.
Instalazioa Etecnic Mugikortasun Elektrikoak egin du, eta enpresa hori arduratuko da karga-puntuen kudeaketaz eta mantentze-lanez ere.
Gogoratuko denez, jarduera horri esker, gainera, oinezkoentzako aparkalekurako sarbidea hobetu da; horretarako, behar bezala seinaleztatutako pasabide bat jarri da eskaileretan zehar, eta, hala, lekua egin da zirkulazioa errazteko.
Guztira 29.655 euroko inbertsioa egin da, BEZa barne, eta horietatik 8.031 euro Nafarroako Gobernuak NextGenerationEU europar funtsekin kudeatutako MOVES III mugikortasun iraunkorreko programaren bidez finantzatu dira.
ERLAZIONATUTAKO BERRIAK
Estella-Lizarrako berdeguneak indartu egin dira, 30 hidrojardinera berri jarri baitira hiriko hainbat tokitan
Lorezaintza eta Ingurumen udal-zerbitzuek sustatutako jarduerak zuhaitzak gehitzea, ureztatze-sistema eraginkorrak eta oinezkoen segurtasuna hobetzea uztartzen ditu
Gaur arratsaldean aurkeztu da Basartea enpresak egin duen Lizarrako Baso-suteen Arriskuari aurre egiteko Udal Jarduera Plana
Gaur arratsaldean aurkeztu da Basartea enpresak egin duen Lizarrako Baso-suteen Arriskuari aurre egiteko Udal Jarduera Plana. Rafael Villanueva Ingurumen zinegotziak eta enpre...