Ayuntamiento Estella-Lizarra Udala

Frai Diego Kultur Etxea eszenatoki pribilegiatu bihurtuko da uztailean zuzeneko musikaz gozatzeko, Lizarrako Udaleko Kultura Arloal antolatutako ‘Kontzertuak Patioan’ zikloaren edizio berri batekin. Lau musika proposamen bilduko ditu, sarrera librearekin, aretoa bete arte.

Hiriko udako kultur ekitaldi gisa finkatua, zikloak programazio anitza eskaintzeko apustua egiten du, musika neoklasikoa, jazza eta piano eta gitarra kontzertuak uztartuz.

Programazioa ostegun honetan, uztailak 2, hasiko da Diego Case eta bere ‘Far From Broadway’ ikuskizunarekin. Tuterar musikariak bidaia bat proposatzen du, piano akustikoa, sintetizadoreak, narratiba eta ikus-entzunezko proiekzioak uztartzen dituzten konposizio instrumental girokoetan eta neoklasikoetan zehar. Horren emaitza izaera zinematografiko nabarmena duen murgiltze-esperientzia bat da, publikoa oroimenetik, irudimenetik eta emoziotik jaiotako soinu-paisaiak zeharkatzera gonbidatzen duena.

Bigarren hitzordua uztailaren 10ean izanen da, Los Llanos JazzBand taldearen emanaldiarekin.

Uztailaren 16an, ostegunean, Elvira Babiloni eta Manuel Ortiz Babiloni Manuel Babiloni gitarrista ezagunaren arreba eta ilobaren txanda izanen da. Kontzertua bere figuraren omenez izanen da. Emanaldian zehar, bakarlari gisa nahiz lau eskutara joko dituzte hainbat obra.

Zikloa uztailaren 23an amaituko da, ostegunean, Oscar Ebro eta Takayuki Azuma gitarra-jotzaileen kontzertuarekin. Programa zaindua eskainiko dute, bai bakarka bai gitarra-duoa osatuz piezak interpretatuz, eta amaiera emanen diote ‘Kontzertuak Patioan’ edizioari.

Kontzertu guztiak 20:00etan izanen dira, sarrera librearekin, aretoa bete arte.