Urriaren 30etik otsailaren 13ra, Udalaren Lantegi Eskolan eta Lizarrerria kiroldegiko igerilekuan, uretako instalazioetako sorospenari buruzko doako ikastaro osoa emanen da. Ikastaro honek 315 orduko 4 prestakuntza modulu ditu eta Lanbide Ziurtagiria (2. maila) lortzeko aukera ematen du.
Ondoren, ikastaroa gainditzen duen ikasleak lanekoak ez diren 80 praktika-ordu eginen ditu enpresetan.
Ikastaro honetan hainbat lanposturekin zerikusia duten ezagutzak eskuratuko dira: bainulari-soroslea, igerilekuetako soroslea, ur-parkeetako eta igerileku naturaletako soroslea. Hori guztia erabiltzaileen segurtasuna zaintzeko, arrisku egoerei aurrea hartuz eta istripu edo larrialdietan eraginkortasunez esku hartuz.
Zenbait baldintza daude ikastaro egiteko: oinarrizko ikasketak izatea eta igeri egiten jakitea. Izen-ematea on line egiten da, esteka honetan:
https://administracionelectronica.navarra.es/EmpleoFormate.Internet/AccionFormativa?id=15514
Lau moduluetan izena ematea gomendatzen da, profesionaltasun-ziurtagiri osoan lanpostua ziurtatzeko. Informazio gehiago Lantegi Eskolan (948 554706 eta 670554706, edo escuelataller@estella-lizarra.com).
Udalak Nafarroako Enplegu Zerbitzuaren (NEZ) eta Estatuko Enplegu Zerbitzu Publikoaren (SEPE) laguntza du.
Eguerdian itxi dira Estella-Lizarrako Udalaren Ostalaritzako eta Ibilgailuen Karrozeriako Tailer Eskolak. Prestakuntza- eta laneratze-programa horrek aukera eman du Estellerri...
Irailera arte, 15 pertsonarekin eginen da, eta prestakuntza-programaren ebaluazioa gainditzen dutenei 3 hilabeteko enplegu bat emanen zaie inguruko enpresetan
Nafarroako Gobernuko Hezkuntza Departamentuak gaitasun digitalei buruzko doako prestakuntza batzuk antolatu ditu Estella-Lizarra aldeko bizilagunentzat, Red Navarra Conec...
