Ayuntamiento Estella-Lizarra Udala

Artaldea Zunbeltz ARSUE suhiltzaile estentsiboa proiektu pilotuaren proba, abian jarri zenetik hiru aste baino gehiago igaro direnean, zakur solteekin izandako hainbat gertakarik zikindu dute, eta, horren ondorioz, artaldea sakabanatu egin da askotan, eta hainbat ardi zauritu dira.

Hiru gertakari larrienak, dagoeneko salatu direnak, larunbatean (maiatzak 11), asteazkenean (maiatzak 15) eta ostegunean (maiatzak 23) gertatu ziren, eta hiru ardi zauritu zituzten, horietako bat ernaldian. Hiru animaliak artaldetik bereizi behar izan dituzte sendatzeko.

Horregatik, proiektuaren zabalkundea indartu da, probak irauten duen maiatzean eta ekainean herritarren laguntza eskatzeko eta suteen prebentzioaren zerbitzuaren garapenari eragiten dioten gertakari horiek saihesteko. Zunbeltz Elkarteak eta Lizarrako Udalak kanpainak egin dituzte hainbat komunikabidetan, sare sozialetan eta inguruko kartelen bidez.

Lizarrako udalerrian animaliak edukitzeari buruzko osasun arloko 7 zenbakiko udal ordenantzak ezartzen duenez, nahitaezkoa da txakurrak lotuta joatea (19. artikulua) eta, aldez aurretik erasoak eragin dituzten txakurren kasuan edo arriskutsuak izan daitezkeelako hala eskatzen duten txakurren kasuan, muturrekoa eraman behar dute nahitaez.

Lizarra baso-sutearen arrisku handiko eremuetako udalerrien zerrendan sartutako toki-erakundeetako bat da, eta horregatik da hain garrantzitsua jarduera hori.

Proyecto Zunbeltz Arsue

Zunbeltz Nekazaritzako Test Espaziotik sortutako ekimena da, Andia Mankomunitateak sustatua Nafarroako Kutxa Fundazioaren eta Fundación la Caixaren laguntzarekin, InnovaLocal 2022 deialdiaren bidez, orain InnovaRural, Nafarroako 8.000 biztanletik beherako landa-eremuak indartu eta dinamizatzen laguntzen duena, eta Lizarrako Udalaren laguntzarekin, non zerbitzuaren lehen proba egiten den.

Ekimen honen bidez, artzaintza-zerbitzua eskaintzen zaie ohiko abeltzaintza-jarduera bertan behera uzteagatik mendiek sute-arrisku handia duten erakunde publiko edo pribatuei. Horretarako, teknologikoki berritzailea den sistema bat erabiltzen da, hesi birtuala, ganadua larratzeko eremuak sektoreka banatzeko aukera ematen duena. Horrela, abeltzaintzako jarduera tradizionalei eustea eta berrikuntza teknologikoa bateragarri egiten dira, zaintzan eta prebentzioan oinarritutako baso-kudeaketa sustatuz eta klima-aldaketarako beste abeltzaintza-eredu batzuk sustatuz.