Mugarik Gabeko Musikariak GKEak, Lizarra Harrera Hiriaren laguntzarekin, Udalak, ikastetxeek, Julián Romano Musika Eskolak, Scherzo Musika Eskolak eta Urko Musical dendak kanpaina solidarioa jarri dute abian Siriako errefuxiatu-eremuetarako musika-tresnak biltzeko.
Kanpaina datorren maiatzaren 31ra arte egonen da irekita. Kanpaina eguerdian aurkeztu da, erakunde sustatzaileak eta udal taldeak bertan direla. Era berean, Gani Mirzo, lautea jotzen duen musikari kurdu birtuosoaren kontzertua ere izanen da, maiatzaren 22an, Los Llanos Kulturagunean.
Mirzo, Bartzelonan bizi eta oso ezaguna den musikaria Ekialdeko musiken eta flamenkoaren fusioan egindako ikerketagatik. Hamarkada bat baino gehiago daramatza errefuxiatuei laguntzen, eta Lizarran eman zuen kontzertua 2018an, Lizarra Harrera Hiriarekin lotura estua sortuz.
Bere proiektuen artean, Mugarik Gabeko Musikarien laguntzarekin, errefuxiatu-eremuetarako musika-tresnen banku bat sortu zuen. Helburua da musika gerrako haurrei helaraztea, “bonben soinua melodiekin estaltzea”.
Musika-tresnak Urko Musikal dendan, Julián Romano Eskolan eta Scherzon entregatu daitezke maiatzaren bukaera arte.
12 urtera arte doakoak dira, baina izena ematea ere beharrezkoa da. 13 urtetik aurrera 5 euro balio dute eta Hodeilargi elkarteari emanen zaizkio oso-osorik. Hitzordua abenduaren 31n izanen da, 11:00etatik aurrera, Koroatze plazan
Estella-Lizarrako Udalak eta Elikagaien Bankuak lehen aldiz sinatu dute hitzarmen bat hirian elikagaiak doan hornitzeko, biltegiratzeko eta banatzeko jarduera finantzatzeko. H...
Gaur, abuztuak 31, Elkartasunaren Nazioarteko Egunean, Estella-Lizarrako Udalak behartsuenen aldeko elkartasun ikuspegitik lan egiten duten irabazi asmorik gabeko elkarte eta ...
