Ana Duarte Festetako zinegotziak gaur goizean aurkeztu du Puyko Ama Birjinaren festa-programa. Aurten, maiatzaren 24an, 25ean eta 26an izanen dira jaiak, ostiraletik igandera, eta, beraz, asteburuan eginen dira.
Udalak 30.000 euro inguru erabiliko ditu festetarako, hau da, 25.000 euro festetako partidatik bertatik. Horrez gain, kolektiboei dirulaguntzak emanen dizkie jarduerak antolatzeko.
Zinegotziak eskerrak eman nahi izan dizkie kolektiboei “programa osoagoa” izateko laguntzagatik, eta “gustu eta adin guztietarako” jarduerak daudela ziurtatu du. Entzierroak, herri-bazkariak (Txerrikumea gorestearena, gazteriarena, 95eko kinta), mota guztietako musika, dantzak, Erraldoi eta Buruhandien Konpartsa eta Puyko Basilikara egindako ohiko bisita larunbatean, maiatzak 25, goizean bertan, osatzen dute programaren zatirik handiena. Larunbat arratsaldean eta igande goizean eginen dira haurrentzako jarduerak (puzgarriak eta aurpegi-margoketa).
Duartek gaineratu du aurrekontua handitu egin dela aurten, besteak beste, zezenketetan osasun-langile gehiago izanen direla (bi anbulantzia eta sorospen-postu bat), eta gehitu du maiatzaren 25ean Donibane Garaziko Udalbatzaren parte hartzea ere espero dela.
Gainera, PDF irisgarri gisa maketatu da, ikusteko zailtasunak dituzten pertsonengan ere pentsatuz
Alkatetzaren hainbat ebazpenen bidez, datorren ostiralean hasiko diren herriko festetako tabernen, terrazen eta zuzeneko musikaren ordutegiak ezarri dira.Tabernek, a...
Gaur goizean, Udalak ongietorria eman die 2023an jaio eta hirian erroldatutako haurtxoei. Alfonso Ugarte Aretoan egindako ekitaldian, Udalbatzako hainbat kidek zapi gorriak ba...
