Ayuntamiento Estella-Lizarra Udala

Ekainaren 1ean, Tafalla-Lizarra emakume arabiarren lehen topaketa eginen da. Tafallako emakume arabiar talde bat 10:00etan hartuko ditugu Lizarrako autobus geltokian.

Jarduera hau Tafallako Udaleko Berdintasun Arloak eta Gizarte Hezitzaileek antolatzen dute; Lizarrako Berdintasun Arloarekin eta Migrazio Alorrarekin batera. Lizarrako Gurutze Gorriarekin ere lankidetzan arituko da, eta hark Lizarran gaztelania ikasten duen emakumeen taldea ekarri eta lagunduko du.

Jarduera honetan, bisita gidatu txiki bat eginen da, eta, ondoren, topaketa bat eginen da loturak sortzeko eta gaztelania praktikatzeko. Merkatura egindako bisitarekin bukatuko da, eskoletan ikasitako guztia praktikan jartzeko.

Bi udaletatik oso positiboa ikusten dugu topaketa hori, oso hiri hurbilak baikara, integrazio eta aniztasun kulturalaren alde lan egiten dugunak. Garrantzitsua da emakumeen arteko topaguneak eta sareak sortzea, batez ere jatorri arabiarrekoak, horrela integratuago senti daitezen eta emakume gehiagok beren antzeko profil eta errealitateak dituztela jakin dezaten.

Bi udalek nahi dugu harremanetan egotea eta era guztietako jarduera kulturaniztunak egitea, migratzaileen integrazioa ikusarazteko eta hobetzeko.