Ayuntamiento Estella-Lizarra Udala

Ekainaren 20an, asteartean, Estella-Lizarrako Udaletxean parte hartzeko mahai bat egin zen, Enplegu Politiken, Migrazioaren eta Kultur Aniztasunaren Arloak deitua, eta horretara gonbidapena egin zitzaien migratzaileekin lan egiten duten gure herriko elkarteei.

Parte hartzeko mahai honetara elkarte hauek gonbidatu ziren:

• Anfas
• Emakumeen asanblada
• Caritas
• Gurutze Gorria
• Esain elkartea
• Amilips
• Ker Kali elkartea
• Lizarra Harrera Hiria elkartea

Horietako batzuk ezin izan ziren bilerara joan agendako arazoengatik. Baina gehiengoek harrera ona eta interesa izan zituzten.

Parte hartzeko mahai honen xedea zen Lizarrako migratzaileen errealitatea eta beharrak hobetu, landu eta ikusaraztea. Hori guztia Udalbatza berriak aurkeztu eta lantzeko.

Bileratik sortu ziren gaiak askotarikoak izan ziren, eta hainbat eskaera eta errealitate landu ziren. Parte hartzeko mahai hori hainbat alderdi aldatu eta hobetzeko aukera gisa ikusi zen; batez ere, komunikazioaren gaia eta elkarteen eta Udalaren arteko harreman positiboa.

Horrelako bilerak egiten jarraitzea oso garrantzitsua dela uste dugu, etorkinen beharren eta eskaeren ikuspegi erreala eta hurbila eskaintzen baitu. Gainera, Lizarran bizi diren jatorri migratzaileko pertsonen bizi-kalitatea hobetzeko eta haien alde lan egiteko hain garrantzitsuak diren elkarteen artean lotura estuak sortzen laguntzen baitu.