Ayuntamiento Estella-Lizarra Udala

Uztailetik aurrera, Lizarrako autobus geltokiko eraikina argiztatuko da hirian bizi diren nazionalitate nagusi bakoitzaren egun nazionalean, herri horretako banderaren koloreekin.

Lizarra herri erosoa da, eta hainbat nazionalitatetako pertsonak bizi dira bertan, horien etxerako aukeratu baitute. Horrela, bizilagunen multzoan 20 jatorri baino gehiago daude ordezkatuta eta guztien artean hiriaren errealitate kulturala eraikitzen ari da.

Argiteria proiektu berri hau Udaleko Migrazio eta Kultur Aniztasunaren alorretik sortu da eta, argiaren eta komunikaziorako duen gaitasunaren bidez, lotzen eta elkartzen gaituzten kulturarteko loturak nabarmendu nahi ditu.

Lehen hitzordua uztailaren 20an izanen da, Kolonbiako egun nazionalean. Egun horretan, geltokiko eraikina argiztatuko da Kolonbiako banderaren koloreekin, hau da, horiz, urdinez eta gorriz.