Ayuntamiento Estella-Lizarra Udala

J8 Navarra Cup-ek, Lizarran, baita Oteitzan ere, bilduko ditu aurtengo asteburuan 300 futbolari alebin baino gehiago, Javi Martínez buru duen txapelketa berri batean. 21 talde eta 17 klub, besteak beste, Osasuna, Real Sociedad, Zaragoza eta Huesca. Nafarroako talde askok ere parte hartzen dute txapelketan, eta Lizarrako Udalaren, Rural kutxaren eta Unsain Taldearen laguntza dute.

Gaur goizean, antolatzaileek (Raul Randez eta Pol Echarri, Tierra Estella Kirol Klubekoak), babesleek eta Carlos Rubio Kirol zinegotziak txapelketaren xehetasunak aurkeztu dituzte. Txapelketa datozen urteetan egiten jarraitzeko eta gehiago hazteko asmoz sortu da.

Zinegotziak azaldu du hasieratik erabaki zela proposamena babestea, uste baitu oso ona dela hirirako, izanen duen “inpaktu sozial eta ekonomikoaz” gain, 11 eta 12 urteko 300 jokalariekin, eta horiez gain, entrenatzaile, senide eta abarrekin.

Rández eta Echarrik, berriz, eskerrak eman dizkiete Udalari eta gainerako babesleei lehen edizio honetan laguntzeagatik, bai eta langile boluntarioei ere. Eta, gainera, azaldu dute asmoa hurrengo edizioetan hazten jarraitzea dela, kirolarekin lotutako balioak sustatzearekin batera.

Txapelketa larunbatean hasiko da 10:30ean Merkatondoan. Arratsaldean eta igande goizean partidak izanen dira bai Merkatondoan, bai Iturtxipian (Oteitza), eta igande arratsaldean (finalak eta amaiera) dena berriro ere Lizarran zentralizatuko da.

Parte-hartzaileak alebin sub-12 kategoriakoak dira eta futbol 8an jokatzen dute, hau da, bi partida jokatzen dira aldi berean zelai bakoitzean. Sarrerei dagokienez, 5 euro balio dute eguneko, eta zelaietako leihatiletan eskuratu ahal izanen dira. Taldeen sarreretarako, zuzenean jar zaitezke harremanetan posta elektronikoz J8navarracup@gmail.com