Lizarrako Julian Romano Udal Musika Eskolak ezintasunak dituzten pertsonentzako lau saioko musika tailer bat emanen du, ordu batekoa bakoitza, martxoaren 10ean, 17an, 24an eta 31n, 18:45ean.
Eskolatik azaldu dutenez, helburua da “musika hurbiltzea, horren bidez ikaskideekin soziabilizatu, autoestimua eta arreta hobetu, sormena garatu, taldean lan egiten ikasi eta abar”.
Musika kontzeptuak ezagutuko dituzte, hala nola erritmoa, konpasa, melodia, musika tresna desberdinak eta zein familiatakoak diren. Halaber, melodia txikiak bakarka interpretatzen ikasiko dute, eta, oro har, mugimenduaren bidez adierazten eta abar. Horretarako, ikus-entzunezko materiala eta musika tresnak erabiliko dira, hala nola gitarra, ukelele, flauta, teklatua eta perkusio instrumentuak.
Plazak mugatuak dira eta izena emateko epea otsailaren 28an bukatuko da, posta elektronikoaren bidez: julian.romano@estella-lizarra.com. Izena bi deiturekin, telefono zenbakia eta jaioteguna adierazi behar dira.
Gaur arratsaldean Julian Romano Musika Eskolan Santa Zezilia eguna ospatu da, kontzertu batekin eta pasa den ikasturteko ikasle onenei diplomak banatuz.Hauek izan dira: N...
Datorren ikasturterako matrikulazioa Musika Eskolan.Irailaren 3tik 6ra. Ordutegia: 10.00etatik 14.00etara eta 17.00etatik 19.00etara.
Julian Romano Udal Musika Eskolak ikastetxean ematen diren musika-tresnen espezialitate guztien entzunaldiak antolatu ditu hurrengo egunetarako, baita ikasturte amaierako kont...
