Estella-Lizarrako Udalak Foruen plazako arkupeak osorik zaharberritzea bultzatzen du
Dagoeneko Vianako Printzearen aldeko txostena du, eta baita memoria bat ere, erreforma 290.240 eurotan (+ BEZa) baloratzen duena
2025eko azaroak 10
Sortzez Garbia pasealekuko 31. zenbakiko eraikina eraistea, ostegun honetarako aurreikusita dago
Zirkulazioan gorabeherak izanen dira hainbat egunetan, lanak 7 eta 10 egun bitartean luzatuko direla espero baita
Azaroaren 13an, ostegunarekin, Sortzez Garbiaren pasealekuko 31. zenbakia eraisteko lanak hasiko dira. Lanek 7 eta 10 egun bitartean iraunen dute, eta hiriko erdigunean zirkulazioan eragin desberdinak izanen dituzte.
Enpresa sustatzaile batek, Udalak ingurua garbitzeko eskatu ondoren, datozen egunotan eginen duen eraispen-proiektua aurkeztu zuen. Dagoeneko garbiketa lan txikiak hondakinak bereizteko lanak egiten ari dira eraikin barruan.
Asteazken arratsaldean, ZEL eremuaren barruko lur gaineko aparkaleku osoa hesituko da, segurtasun arrazoiak direla eta. Eta eraispenak iraunen duen egunetan zirkulazioa murriztuko da Sortzez Garbiaren pasealekuan, handik sartu eta aterako baitira obra-hondakinez arduratzen diren kamioiak.
Errei bakarra egonen da alde horretan garaje-tokien jabeak eta zamalanetarako bakarrik sartzeko, eta ezin izango da alde horretan aparkatu.
Gustavo de Maeztu kaletik Sartzez Garbia pasealekurako sarbidea ere moztuko da eta Tierra Estella Bus autobus geltokia autobus geltokira aldatuko da aldi baterako. Eraiste-eremuko oinezkoen zirkulazioa ere murriztuta geratuko da.
ERLAZIONATUTAKO BERRIAK
UE-21ean, Deierri Etorbidean, eraikiko diren lehenengo 19 VPTetako bat (Prezio Tasatuko Babes Etxebizitzak) eskuratu nahi dutenek dagoeneko izena eman dezakete NASUVINSAn
Estella-Lizarrako Udalak UE-21 (Estella Boulevard) Exekuzio Unitatearen bizitegi-garapenean beste aurrerapen baten berri eman du: Deierri etorbidean, zezen-plazaren ondoan...
Udalak bost lursail erosi ditu Alde Zaharrean, berdegunea duen plazatxo bat egokitzeko, eta eraikin txiki bat egitea aztertzen ari da, herritarrek erabiltzeko
333,46 m2-ko azalera hartzen dute Puy eta Tecenderia kaleek bat egiten duten tokian, eta akordio batera iritsi dira jabe diren bi enpresekin truke bat egiteko. Udalak, bost lurzatiez gain, 238.913 euroko konpentsazioa jasoko du, Frai Diego kalean dagoen etxebizitza libreko lurzati batean parte hartzearen truke