2023ko uztailak 21
Marta Ruiz de Alda alkateak suziriaren jaurtiketa Done Jakue Bidearen Lagunen Elkartearen esku utzi du
Estella-Lizarrako alkateak, Marta Ruiz de Alda Parlak, erabaki du abuztuaren 4an herriko jaiak iragarriko duen suziria Lizarrako Donejakue Bidearen Lagunen Elkartearen esku uztea.
Lizarrakoa Europako Bideraren bigarren elkarte zaharrena da, Parisekoaren atzetik, eta duela hilabete batzuk 60. urteurrena ospatu zuen. Gainera, 2023 honetan 60 urte beteko dira Compostelara Antonio Roa, José María Jimeno Jurío eta Jaime Eguarasek egin zuten erromesaldi historiko hartatik. Elkarteak sustatutako erromesaldia, eragin handia izan zuena hedabideetan, iritzi publikoan eta Done Jakue munduan, eta bidea berriz modan jartzen lagundu zuena.
Alkateak, aintzatespen horrekin, elkarteak hirian eta Done Jakue Bidean egiten duen lan itzela balioetsi nahi izan du, Lizarrarako balio kalkulaezina duen fenomenoa, hainbat ikuspuntutatik: kultura, turismoa, ondarea, etab.
Elkarteak urtero antolatzen ditu Sefardi Jardunaldiak, Done Jakue Bideko Ondare Jardunaldiak, Gabonetako kontzertua, eta buru-belarri aritzen da duela mende erdi sustatu zuten Erdi Aroko Ikasketen Nazioarteko Astean, udal-erromesen aterpea kudeatzeaz gain.
Orain, elkarteak erabaki beharko du nork piztuko duen metxa Erraldoien Ostiralerako.
ERLAZIONATUTAKO BERRIAK
Estella-Lizarrako Udalak 172 ekitaldiko festen programa aurkeztu du, musika gehiago, haurrentzako jarduera gehiago, su artifizialen bi gau eta pilota profesionaleko bi jaialdirekin indartuta
Huecco, Orquesta Mondragón eta Puro Relajo izango dira Foruen plazako musika-programazioaren buru, ikuskizun-orquestekin eta DJ saioekin batera I Haurrentzako berritasunen artean hiru eguneko zezen txikien entzierroak eta ur-parke bat izango dira, ohiko puzgarri parkearekin batera I Era berean, Berdintasun arloko jarduerak ere indartuko dira, eraso sexisten aurkako sentsibilizazio eta prebentzio ekintza berriekin I Jaiek etenik gabeko 168 orduko programazioa eskainiko dute, egunean batez beste 24 jarduerarekin
Patroi festetarako Cordero en Chilindrón eta Ajoarriero Lehiaketak
[gallery columns="2" size="large" ids="37758,37756"]