Ayuntamiento Estella-Lizarra Udala

Joseba Goikoetxea Gastonek, Lizarrerria kiroldegian irakasle denak, Estella-Lizarrako Udalak 65 urtetik gorako pertsonentzat urte luzez antolatzen duen Gerontogimnasia programa oinarri duen ikerketa argitaratu du aldizkari zientifiko batean.

Azterketaren izena da ‘Heldu-adindunen hauskortasunean, egoera fisikoan eta osasunean osagai anitzeko ariketa fisikoko programa baten ondorioak’ eta bertan 2023-2024 ikasturtean jarduera horretan izena eman zuten 178 pertsonek parte hartu zuten.

Azterketa horren ondorio nagusia da osagai anitzeko ariketa fisikoko programa batek, gerontogimnasiak, osasuna hobetzen laguntzen duela oro har, eta, bereziki, orekari, indarrari, arintasunari, malgutasunari eta erresistentzia aerobikoari laguntzen diela. Gainera, “jarduera fisikoko programetan parte hartzen ez duten pertsonek baino egoera fisiko hobea lortzen da”, ondorioztatu du Goikoetxeak, “hauskortasuna eta erortzeko arriskua murriztuz eta parte-hartzailearen osasun eta autonomia pertzepzio handiagoa lortzen lagunduz”.

Hau da, ariketa fisikoa egitea modu ona da zahartzeak berekin dakarren pixkanakako narriadura fisiko eta mentalari aurre egiteko.