Ayuntamiento Estella-Lizarra Udala

Gaur goizean Induo Teatroren ‘Fake Reality’ antzezlana taularatu da Los Llanos Kulturagunean, ‘Oholtzara-Salto a escena’ programaren barruan. Programa honen helburua da arte eszenikoak publiko gazteari hurbiltzea eta horiek protagonista bihurtzea, haien beharrei bitartekaritzaren, prestakuntzaren eta erakustaldiaren bidez erantzunez.

Nafarroako Antzoki Sareak sustatutako ekimena da, La Caixa Gizarte Ekintzaren eta Nafarroako Kutxa Fundazioaren laguntzarekin. Estella-Lizarrako Udalak antolatzen du jarduera hau, Kultura arloen eta Oinarrizko Gizarte Zerbitzuen bidez.

Nerabeen mundura iristeko eta haiekin harremanetan jartzeko, Udalak hezkuntza arloaren laguntza izaten du beti. Aurten, Lizarrako CI Politeknikoaren eskutik, tolerantzia, nerabezaroa, sexualitatea, jazarpena, sareak, adiskidetasuna eta maitasuna jorratzen dituen obra bat erakutsi zaie.

Ikastetxeko 300 ikasle baino gehiago bertaratu dira antzezpenera.