Estella-Lizarrak gazteentzako eta sormenaren inguruko bi jarduera nagusi hartuko ditu asteburu honetan, Gazteria eta Elkartasun Batzordearen laguntzaz eta Gazteriaren Etxearen antolakuntzaz.
Urriaren 24tik 26ra bitartean egingo da Parkour Connect, Espainiako hainbat tokietatik etorritako gazte eta profesionalak elkartuko dituen ekitaldia. Jarduera hauetan parkour eta akrobazia diziplinak izango dira ardatz nagusiak. Ekintzak Gazteriaren Etxean, Estella-Lizarrako Parkour Gunean —Espainiako handienetako bat— eta hiriko hainbat tokitan egingo dira. Aukera paregabea izango da kirol urbano hau ikasi, praktikan jarri eta gozatzeko, mugimenduan oinarritutako abildadea, indarra eta sormena uztartuz.
Bestalde, urriaren 24an, ostegunean, Gazteriaren Etxeak hartuko du I. Komiki eta Fanzine Topaketa, 10:00etatik 20:00etara. Ekitaldiak standak, hitzaldiak, erakusketak, tailerrak eta musika izango ditu, eta komikiaren, ilustrazioaren eta autoedizioaren zaleentzako topagune paregabea bilakatuko da.
Parte hartu edo informazio gehiago jaso nahi dutenek Estella-Lizarrako Gazteriaren Etxearekin jar daitezke harremanetan. Bertan egingo dira, gainera, tailerretarako izen-emateak.
Bi proposamen osagarri hauek erakusten dute Estella-Lizarrak gazteen parte-hartzea, kultura eta sormena sustatzeko duen konpromisoa.
Eguerdian udaletxean harrera instituzionala egin zaio egunotan Estella-Lizarra eta Frantziako Pays de Nay eskualdearen arteko elkartrukean sartuta dagoen 24 gazteren taldeari....
Estella-Lizarrako Udaleko Gazteria Arloak, Nafarroako Gobernuko Gazteriaren Institutuarekin eta Erasmus+ programarekin lankidetzan, 2025eko udarako kanpamentu eta gazte-t...
Maiatzaren 17an, Lizarrako Gazteriaren Etxean, herriko III. Robotika Lehiaketa eginen da, hiru kategoriarekin: MiniSumoa, Abiadura-lasterkariak eta Labirintoa. Kategoria bakoi...
