Udalak Gabonetan antolatutako Jaiotzen Ibilbideko eta elurrezko panpinaren gaineko lehiaketetako sariak zozketatu dituzte
Lau irabazleek 500 euro jasoko dituzte, herriko dendetan egindako erosketengatik trukatzeko
2020eko uztailak 30
Estella-Lizarrako Udalak kanpaina bat jarri du abian herriko merkataritza urtebete zail honetan ‘koloreztatzeko’
´Kolorea!’ lelopean, sektorea babestuko da hedabideetan, sare sozialetan edo mupietan publizitatea eginez, eta 12.000 orri banatuko dira txikienak entretenitu eta kontzientziatzeko
Estella-Lizarrako Udalak kanpaina bat jarri du abian herriko merkataritzari laguntzeko, Covid-19agatik bereziki zaila den urte honetan. Garapen Ekonomikoaren arloak sustatutako ekimena, ‘Kolorea’ leloaren inguruan diseinatu da: Demos color a nuestro comercio-Eman kolorea gure dendei” eta 8.200 euroko inbertsioa egin da.
Sustapen honen bidez, herritarrak eta Lizarrako bisitariak herriko saltokietan inoiz baino gehiago kontsumitzera animatu nahi dira. Horretarako, hainbat publizitate-ekintza antolatu dira.
Adibidez, bideo bat argitaratu da, datozen egunetan sare sozialetan zabalduko dena. Datorren astetik aurrera, irratiko iragarki batzuk emanen dira (horietako batean, bi nesken parte hartzearekin), publizitatea eginen da tokiko hedabideetan, eta kanpainaren berri ematen duten kartelak jarri dira hirian sakabanatutako hamar bat mupietan eta markesinetan.
Bideorako eta iragarki laburretarako, Mixel Ducau-ren ‘Kolore, kolore’ abestia aukeratu da. Kanpainarekin elkarlanean aritu nahi izan du, era eskuzabalean, kanpainaren helburua tokiko merkataritza sustatzea baita.
ORRIAK ETA ARKATZAK
Era berean, erakusleihoetan jartzeko kanpainari buruzko kartelak eta eranskailuak banatuko dira datorren astetik aurrera (ia 300), baita 12.000 orri eta 2.000 kutxatila ere, koloretako arkatzekin, txikienek koloreztatu ahal izateko.
Hiru diseinu desberdin prestatu dira bilduma txiki gisa, hiru eraikin enblematiko protagonista gisa hartuta: Udaletxea, San Pedro Ruako eta Nafarroako Errege-Erreginen Jauregia, gaur egungo Gustavo de Maeztu Museoa. Etxeko txikienek herriko merkataritzari kolorea emateko modu originala.
Kanpaina Calle Mayor Comunicación y Publicidad enpresak egin du.
ERLAZIONATUTAKO BERRIAK
Curcuma Loradenda enpresak irabazi du 2025eko Gabonetako Erakusleihoen Lehiaketa
Bigarren saria Farmazia Goyachek eskuratu du, eta herritarren saria, 1.563 botorekin, Optica Navarrak
Udaletxean jarritako elurrezko panpina handi bat izanen da aurtengo Gabonetan hiriko haurrei zuzendutako bi lehiaketaren protagonista
Ekimenak marrazki lehiaketa bat eta panpinaren izena asmatzeko beste bat biltzen ditu, 500 euroko bi sarirekin, tokiko merkataritzan erosketetan truka daitezkeenak. Kanpainan parte hartu nahi duten establezimenduek ostegun honetan, abenduaren 18an, 14:00ak arte dute izena emateko epea