Estella-Lizarrako Udalak ‘Ilunabarrak Patioan’ izeneko kultur zikloa martxan jarriko du ekainean. Kultura herritarrengana formatu hurbilean eta aire zabalean hurbiltzeko helburua duen ekimena da, Frai Diego Kultur Etxeko patioaren ingurua aprobetxatuz.
Programazioak hiru proposamen dakartza, doan, lekuak bete arte, literatura, ahozko narrazioa, poesia, antzerkia, txotxongiloak, clowna eta mikrozirkoa uztartuz, publiko ezberdinei zuzenduak eta sarrera librearekin, lekuak bete arte.
Zikloa ekainaren 11n irekiko da, osteguna, 18:00etan, T-Diferencia taldearen ‘Ipuinen kutxa eroa’ ikuskizunarekin, bost urtetik goitikoentzat gomendatutako familia ipuin kontalarien ikuskizuna.
Bigarren hitzordua ekainaren 18an izanen da, 19:30ean, Iluna Produkzioen ‘Con pena y sin gloria’ lanarekin. Poesiaren, ipuinen, abestien eta umorearen bidez, Gloria Fuertesen bizitza eta obra aztertzen ditu, eta XX. mendearen bigarren erdiko Espainiako errealitate sozialari begirada bat eta bakearekin konprometitutako mezu bat eskaintzen ditu.
Zikloa ekainaren 25ean amaituko da, 18:00etan, Colectivo Humo taldearen ‘Pangea Circus’ ikuskizunarekin. Ikuskizunak eguneroko fenomeno naturaletara hurbiltzen ditu haur eta familia guztiak, magia, txotxongiloak, mikrozirkua eta clowna uztartuz. Naturan inspiratutako hainbat pertsonaiaren bidez, proposamenak natura berraurkitzera gonbidatzen du, ikuspegi ludiko eta parte-hartzaile batetik.
Estella-Lizarrako Udalak dirulaguntzen deialdia ireki du, 2026. urtean kultur jarduerak antolatzeko eta euskararen erabilera sustatzeko. Kultura, Ondare eta Jai Batzordearen e...
Datorren igandean, maiatzaren 17an, 12:00etan, Gustavo de Maeztu Museoak Museoen Nazioarteko Egunarekin bat eginen du kultur proposamen berezi batekin: saxofoi eta piano kontz...
Honako hauek parte hartuko dute: Ereintza (maiatzak 16), Iruñeko Ganbera Abesbatza (maiatzak 30), Iraurgi Abesbatza (ekainak 13) eta, amaitzeko, In Tempore Abesbatza (ekainak 27)
