Estella-Lizarrako Udalak, Udaltzaingoaren arloaren bidez, 2024an esku-hartze ugari egin ditu bide-seinaleen mantentze-lanei eta elementu berrien instalazioari dagokienez. Kasu askotan, eremu bakoitzeko bizilagunek beraiek eskatuta.
Hobekuntza horien artean, mugikortasun murriztua duten pertsonentzako 15 aparkaleku margotu dira seinaleztapen urdin berriarekin. Motorrak aparkatzeko 19 gunetan ere jardun dute (pintadak eta seinaleak jarrita).
Horrez gain, bi toki erreserbatu dira farmazietan, bakoitza bere seinaleekin; baliza beltzak jarri dira hiri osoan, dagoeneko hondatuta zeuden baliza urdinak ordezteko; zenbait gune margotu dira marra horiz garajeetara sartzeko, eta ispiluak jarri dira; bizikletentzako aparkaleku berri bat jarri da Cordelerosen; 18 zebra-bide hobetu dira, eta binilo berriak jarri dira SKE eremuko sarbide nagusietako seinaleetan.
Merkatondoa edo Arieta auzoetan, esaterako, hainbat jarduera egin dira, beste leku batzuetan bezala, hala nola Zalatamborren, San Frantzisko Asiskoaren plazan, Gartzia Berritzailean edo Espoz y Minak Asteriarekin bat egiten duten lekuan.
Jardueren memoria osoa dokumentu honetan kontsulta daiteke: MEMORIA TRÁFICO 2024
Lizarrako Udaltzaingoak datorren aste osoan zehar Mugikortasun Pertsonaleko Ibilgailuak (MPI) kontrolatzeko kanpaina espezifiko bat eginen du, patinete elektrikoen erabilera a...
Datorren ostegunean, apirilaren 2an, Lizarrako erdigune historikora eta merkataritza-gunera ibilgailuekin sartzeko sistema arautzen duen Udal Ordenantzaren aldaketa sartuk...
Asteazkenetik aurrera, urtarrilaren 21etik aurrera, Zaldutik Zumalakarregi kalera doan ibilgailuentzako sarbidea itxi eginen da, galtzada asfaltatzeko lanak eta inguruko azken...
