Udalak Gabonetan antolatutako Jaiotzen Ibilbideko eta elurrezko panpinaren gaineko lehiaketetako sariak zozketatu dituzte
Lau irabazleek 500 euro jasoko dituzte, herriko dendetan egindako erosketengatik trukatzeko
2021eko azaroak 24
Ostiralean, azaroak 26, amaituko da Gabonetako Erakusleihoen Lehiaketan izena emateko epea
Datorren ostiralean, azaroaren 26an, 14:00etan, amaituko da Estella-Lizarrako Udalak antolatzen duen Gabonetako Erakusleihoen Lehiaketan izena emateko epea. Sarietan 1.000 euro emanen dira, eta lehenengo hirurentzat erosketengatik truka daitezke.
Parte hartu nahi duten establezimenduek izena eman behar dute, desarrollo.local@estella-lizarra.com helbidera mezu bat bidalita. Beren datuak erantsi beharko dituzte: arduradunaren izena, establezimenduaren izena eta zein sektoretan aritzen den, helbidea, telefonoa eta posta elektronikoa. Gainera, establezimenduak abenduaren 3rako apainduta eduki beharko dituzte, feriekin batera.
Aurtengo sariak 500 eurokoak izanen dira lehen sailkatuarentzat, 300 eurokoak bigarrenarentzat eta 200 eurokoak hirugarrenarentzat. Azken honetarako bozketa herrikoia eginen da Udalaren web orrian, abenduaren 10etik 19ra. Sariak erosketetan trukatzen ahalko dira lehiaketan parte hartzen duten establezimenduetan. Sari emanaldia abenduaren 23an izanen da.
Iaz 37 establezimenduk hartu zuten parte Ekonomia eta Enpresa Garapeneko Arloak antolatzen duen lehiaketa honetan.
ERLAZIONATUTAKO BERRIAK
Curcuma Loradenda enpresak irabazi du 2025eko Gabonetako Erakusleihoen Lehiaketa
Bigarren saria Farmazia Goyachek eskuratu du, eta herritarren saria, 1.563 botorekin, Optica Navarrak
Udaletxean jarritako elurrezko panpina handi bat izanen da aurtengo Gabonetan hiriko haurrei zuzendutako bi lehiaketaren protagonista
Ekimenak marrazki lehiaketa bat eta panpinaren izena asmatzeko beste bat biltzen ditu, 500 euroko bi sarirekin, tokiko merkataritzan erosketetan truka daitezkeenak. Kanpainan parte hartu nahi duten establezimenduek ostegun honetan, abenduaren 18an, 14:00ak arte dute izena emateko epea