EsTELLA-Lizarrako Udalak maiatzaren 15etik 20ra irekiko du Udako Ludoteka 2026 programan parte hartzeko aurreinskripzioa egiteko epea. Udal zerbitzu hori oso finkatua dago jada, eta familia eta lana uztartzen laguntzea eta haurrei hezkuntzarako gune seguru eta ludiko bat eskaintzea du helburu udan. Aurretiko izen-ematea online eginen da Egoitza Elektronikoan: https://sedeelectronica.estella-lizarra.com/carpetaciudadana/tramite.aspx?idtramite=10687
Programa ekainaren 22tik abuztuaren 28ra bitartean gauzatuko da, uztailaren 31tik abuztuaren 7ra bitartean izan ezik, herriko festekin batera. Guztira, bederatzi asteko jarduera eskainiko da Remontival I.P.ko instalazioetan.
Udako oporrak ikasturte honetan zehar Haur Hezkuntzako 1. mailatik Lehen Hezkuntzako 6. mailara bitartean ikasi duten adingabeei zuzenduta daude. Zerbitzua 8:00etatik 14:30era egonen da zabalik, eta sartzeko hiru ordutegi malgu (8:00, 8:30 eta 9:00etan) eta irteteko hiru ordutegi (13:30, 14:00 eta 14:30ean) izanen ditu.
FIDANTZA, AURTENGO BERRITASUNA
Berritasun gisa, familiek 120 euroko fidantza ordaindu beharko dute eskaera egiteko unean. Ondoren, esleitutako asteei dagokien azken zenbatekotik deskontatuko da fidantzako zenbateko hori. Plazarik lortu ezean, zenbateko osoa itzuliko da.
Plazak zozketa publiko baten bidez esleituko dira. Zozketa maiatzaren 22an eginen da, eta eskaerak erroldatuentzat eskainitako plazak baino gehiago badira eginen da. Ondoren, onartutako pertsonen zerrenda eta itxaron zerrenda argitaratuko dira webgunean.
Lehentasuna izanen dute Estella-Lizarran, Aberin-Muniainen eta Morentinen erroldaturiko adingabeek. Aita, ama edo legezko tutorea Lizarran erroldaturik dagoenean ere, adingabe ez-egoiliarrak baldintza beretan sartzen ahalko dira, baldin eta eskatutako epean zaintza eta babespea agiri bidez frogatzen bada.
Dauden tokiak betetzen badira, lehentasuna izanen dute guraso bakarreko familiek, programa arautzen duten oinarrien arabera.
Plaza kopurua aldatu eginen da astearen arabera: 50 plaza eskainiko dira lehenengo astean; 70 plaza bigarren, hirugarren eta bosgarrenean; 60 plaza laugarrenean; eta 50 plaza seigarren, zazpigarren, zortzigarren eta bederatzigarren asteetan.
Prezioak honako hauek dira: 50 euro asteko tarifa orokorrean dagoen lehen adingabearentzat eta 37 euro guraso bakarreko familientzat eta familia ugarientzat. Izena ematen duten bigarren eta hirugarren adingabeentzako deskontuak ere aurreikusten dira.
Matrikula maiatzaren 28an eta 29an formalizatu eta ordaindu beharko da, Udalaren webgunearen bitartez. Ordainketa epearen barruan egiten ez bada, plaza galduko da eta fidantza ez da itzuliko
Familiek zalantzak argitu ahal izanen dituzte 948 548 223 telefonora deituz, astelehenetik ostiralera, 9:30etik 14:00etara.
Gaur argitaratu da deialdia Nafarroako Aldizkari Ofizialean eta esteka honetan aurki daiteke informazio guztia: https://sedeelectronica.estella-lizarra.com/carpetaciudadana/tr...
Ekimena ‘Estella-Lizarra: bizitza independenterako aliatua” programaren barruan dago. Programa hori Cocemfe Navarrak bultzatu du Udalaren eta ‘la Caixa’ Fundazioaren laguntzarekin, eta prestakuntza, ahalduntzea, irisgarritasuna eta terapiak biltzen ditu
Estella-Lizarrako Udalak eta Elikagaien Bankuak hitzarmena berritu dute, hirian elikagaiak doan hornitzeko, biltegiratzeko eta banatzeko jarduera finantzatzeko. Hitzarmenak 5....
