Datorren igandean, maiatzaren 17an, 12:00etan, Gustavo de Maeztu Museoak Museoen Nazioarteko Egunarekin bat eginen du kultur proposamen berezi batekin: saxofoi eta piano kontzertu bat Fernando Sanchez eta Diego Belzunegui musikarien eskutik.
El reErrezitalak 80 eta 90eko hamarkadetako arrakasta handien musika bidaia bat eskainiko dio publikoari, instrumentu gisa berrinterpretatuak. Fernando Sanchezen saxofoiak eta Diego Belzuneguiren pianoak doinu ezagunei bizitza berria emanen diete, kantu horiek beste ikuspegi
batetik berraurkitzera gonbidatzen duen formatu intimo eta dotorean.
Jarduera hau Museoen Nazioarteko Egunaren ospakizunaren barruan kokatzen da. Urtero maiatzaren 18an ospatzen da eta Museoen Nazioarteko Kontseiluak (ICOM) sustatzen du
1977az geroztik. Museoek kultura trukerako, ikaskuntzarako eta komunitateen arteko topaketarako espazio gisa duten zeregina balioan jartzea du helburu.
2026ko edizioan aukeratutako leloa «Museoak zatitutako mundua elkartuz» da, erakunde horiek kultura, belaunaldi eta gizarte-errealitate anitzen arteko zubi gisa duten zereginari buruz hausnartzeko gonbitea. Ikuspegi horrek museoek elkarrizketa, inklusioa eta bakea sustatzeko duten gaitasuna azpimarratzen du, bereziki gizartearen zatiketak eta desberdintasunek markatutako testuinguru global batean.
Testuinguru horretan, Gustavo de Maeztu Museoan programatutako kontzertuaren helburua musikaren bidez lotura hori lortzen laguntzea da, artea eta publikoa elkartuko dituen espazio partekatu bat eskainiz. Sarrera librea izanen da aretoa bete arte.
Estella-Lizarrako Udalak dirulaguntzen deialdia ireki du, 2026. urtean kultur jarduerak antolatzeko eta euskararen erabilera sustatzeko. Kultura, Ondare eta Jai Batzordearen e...
Udalak bultzatutako ekimenak hiru narrazio, poesia, antzerki eta zirku proposamen eskainiko ditu ekainean zehar adin ezberdinetako ikusleentzat, sarrera librearekin, leku guztiak bete arte
Honako hauek parte hartuko dute: Ereintza (maiatzak 16), Iruñeko Ganbera Abesbatza (maiatzak 30), Iraurgi Abesbatza (ekainak 13) eta, amaitzeko, In Tempore Abesbatza (ekainak 27)
