Zibersegurtasuneko Institutu Nazionalak (INCIBE) Lizarrara hurbilduko du datorren astean bere “roadshow”-a, hau da, herrialde osoan zehar zibersegurtasuna enpresei, herritarrei, familiei eta adingabeei (familiak barne, Lehen Hezkuntzako 5. mailatik gorako ikastetxeak, etab.) hurbiltzeko egiten ari den kontzientziazio-esperientzietako bat.
INCIBEtik gogoratzen dutenez, “gaur egungo aro digitalean denok gaude zibermehatxuen eraginpean: iruzurrezko mezuak, albiste faltsuak, aplikazio maltzurrak…”. Horregatik, zeure burua babesten ikasi nahi baduzu, ekimen honek “aukera ematen dizu modu dibertigarri eta interaktiboan egiteko”-
Ezagutza-maila desberdinetara egokitutako joko honetan, parte hartzen duten pertsonek eguneroko mehatxu digital nagusiak zeintzuk diren, linean nola babestu eta Internet modu arduratsuan nola erabili ikasiko dute.
‘Roadshow’-a Klaratarren aparkalekuan jarriko da urriaren 1, 2, 3, 4 eta 5ean. Jarduera doakoa da, eta ordubete irauten du (25 pertsona inguru aldi bakoitzean).
Parte hartu nahi dutenek edo informazio gehiago nahi dutenek roadshow@incibe.es helbidera idatzi edo 919 05 31 63 telefonora deitu dezakete. Taldean joan nahi izanez gero, Institututik erraztasunak jarriko dituzte parte hartzea koordinatzeko.
INFORMAZIO GEHIAGO: Dosier de prensa #ExperienciaINCIBE_ROADSHOW (002)
MÁS INFORMACIÓN: Dosier de prensa #ExperienciaINCIBE_ROADSHOW (002)
Estella-Lizarrako Udalak jakinarazi duenez, eguraldia dela eta, bertan behera utzi dira Europako Mugikortasunaren Astearen barruan bihar arratsalderako aurreikusita zeuden bi ...
Santos Mauleon Urra UPNko zinegotziak hartu du Estella-Lizarrako Udaleko Eskubide Sozialak, Gizarteratzea eta Kultura Aniztasuna Arloko presidentetza, orain arte Carlos Ru...
