Udalak Gabonetan antolatutako Jaiotzen Ibilbideko eta elurrezko panpinaren gaineko lehiaketetako sariak zozketatu dituzte
Lau irabazleek 500 euro jasoko dituzte, herriko dendetan egindako erosketengatik trukatzeko
2025eko ekainak 16
Aritzaleku Kanpina Estella-Lizarrako III. Auto Rallya larunbat honetan, ekainak 21, ospatuko da
Goizean hirian zeharkaldi bat eginen da eta arratsaldean Sortzez Garbiaren pasealekuan amaituko da ekitaldia. Horrekin batera, 9 ostalaritza establezimenduk parte hartuko duten tardeoa antolatu da eta dj batek kaleak girotuko ditu bizikletan ibiliz
Datorren larunbatean, ekainaren 21ean, Aritzaleku Kanpina Estella-Lizarrako III. Rallya eginen da, eta Ega hiria lehen aldiz izanen da protagonista. Goizean, 11:00etatik 13:00etara, gutxi gorabehera, ekitaldian parte hartzen duten 70 ibilgailuak Ruiz de Alda kaletik igaroko dira, eta Antso Remirez kaletik Sortzez Garbiaren pasealekuraino iritsiko dira, Lizarratik irten aurretik.
Arratsaldean, Sortzez Garbiaren pasealekuan ere aurreikusita dago iritsiera, 18:00etatik aurrera, eta ibilgailuak Foruen plazan, Nafarroa Behereko zati batean eta Sortzez Garbiaren kalean aparkatuko dira.
Rallyak, besteak beste, Lizarrako Udalaren babesa du, eta, gainera, tardeo bat antolatu du arratsalde horretan, bederatzi ostalaritza-establezimendurekin elkarlanean. Bakoitzak promozio berezi bat eginen du. Horrez gain, Txino Sound dj-ak kaleak girotuko ditu bere bizikletan ibiliz.
Gaur goizean aurkeztu da ekitaldia eta bertan izan dira Cristina Pérez eta Azucena Polo zinegotziak; Alberto eta Ángel Martínez de Lizarrondo, Guembe Classics rallya antolatzen duen klubeko kideak; Haizea Zaldumbide (Aritzaleku kanpina) eta Victorino Haro Arroizko zinegotzia.
RALLYAREN XEHETASUNAK
Auto klasikoen rally honek (marka ezberdinetako ibilgailuak 1970etik 2000ra, gutxi gorabehera) berezitasun bat du: ibilgailuek gehienez 50 kilometro orduko abiaduran ibil daitezke, eta are gutxiago tarte batzuetan. “Doitasunezko rally bat da, abiadurazkoa baino gehiago, eta beste leku batzuetan arrakasta handia izaten du”, azaltzen zuten. “Gainera, abiadura horietan joatean herriak zeharkatu ditzakete eta ikusmina sortzen dute igarotzen diren tokitik. Ia Espainia osoko jendeak parte hartzen du eta horrek gure lurra sustatzen laguntzen digu”. Irteera 10.45ean izanen da Aritzaleku Kanpinean.
TARDEOA, NOBEDADE GISA
Rallyak sortuko duen giroa baliatuz, tardeoa jarduera bat jarri nahi izan dute martxan udaletik, “leku askotan hainbesteko arrakasta duena”, ostalaritza sektorearekin elkarlanean. Asmoa da “aisialdi gune egunekoagoa eta kontsumo arduratsukoa sortzea”, merkataritza ere zabalik dagoen ordutegian, esan du Cristina Perez zinegotziak. Tardeoa, ondo badabil, uda amaieran errepikatzea da asmoa.
9 establezimendu batu dira: Roncesvalles by Paco, Gavia El Puy, Zulobero taberna, Monjardín taberna-jatetxea, Gavia kafetegi-antzokia Los Llanos, La Era taberna, Pigor Taberna, Florida taberna-jatetxea eta Conrada. “Giro ona sortzea espero dugu, eta animazio handia egotea dj-aren laguntzarekin ere”.
ERLAZIONATUTAKO BERRIAK
Curcuma Loradenda enpresak irabazi du 2025eko Gabonetako Erakusleihoen Lehiaketa
Bigarren saria Farmazia Goyachek eskuratu du, eta herritarren saria, 1.563 botorekin, Optica Navarrak
Udaletxean jarritako elurrezko panpina handi bat izanen da aurtengo Gabonetan hiriko haurrei zuzendutako bi lehiaketaren protagonista
Ekimenak marrazki lehiaketa bat eta panpinaren izena asmatzeko beste bat biltzen ditu, 500 euroko bi sarirekin, tokiko merkataritzan erosketetan truka daitezkeenak. Kanpainan parte hartu nahi duten establezimenduek ostegun honetan, abenduaren 18an, 14:00ak arte dute izena emateko epea