Gaur goizean aurkeztu da Kultur Etxean Estella-Lizarrako Udaberriko XXIII. Antzerki Zikloa, Kilkarrak Tailerrak apirilean zehar antolatua, Estella-Lizarrako Udalaren eta Nafarroako Antzerki Amateurraren Federazioaren laguntzarekin.
Aurten, hiru talde igoko dira eszenatokira, guztiak Ega hirian debuta eginen dutenak: Speculum Vitae (Iruñea), Txilindron (Gares) eta 5senti2 (Berriozar).
Emanaldiak apirilaren 12an, 19an eta 26an izanen dira, 18:30ean, Los Llanos Kulturagunean. Sarreren prezioa 5 euroan mantenduko da, eta ohiko bideetatik eros daitezke jada.
Aurkezpenean, Ana Duarte Kultura zinegotziak ziklo hau hiriko kultur programazioan finkatu dela azpimarratu du, Pedro Echavarrirekin batera, Kilkarrak Tailerraren ordezkaria eta ekitaldi historiko honetako pertsonaia garrantzitsua, pandemiaren ondorioz izan ez balitz 2026an zilarrezko ezteiak lortuko lituzkeen ekitaldia baita.
Ekitaldian ere, bertan izan dira: Pachi Muñoz, Ramon Satrustegui, Peio Etxarri eta Txuma Navarro, parte hartuko duten taldeen izenean.
Zikloa apirilaren 12an abiatuko da, Speculum Vitaek Federico Garcia Lorcaren obra ezagunaren ‘Bodas de sangre’ komedia klabean eginiko egokitzapen originalarekin. Eszenaratze zaindua eta interpreteen zerrenda zabala nabarmentzen dira proposamenean.
Apirilaren 19an Garesko Txilindron antzerki taldearen txanda izanen da, Alejandro Casona antzerkigilearen ‘Los árboles mueren de pie’ lana taularatuko duena.
Zikloari amaiera emateko, apirilaren 26an, Berriozarko 5senti2 taldeak ‘Strip Poker’ komedia aurkeztuko du.
‘Annual Gathering of Pilgrims’ Estatu Batuetako elkarte garrantzitsuenak antolatuta, lehen aldiz herrialde horetatik kanpora aterako da, Lizarrako Donejakue Bidearen Lagunen Elkartearen bultzadari esker. Gutxienez 350 bisitari bertaratzea espero da, eta hirian hartuko dute ostatu, jardueraz beteriko ekitaldi batean parte hartzeko
Nafarroako Dantza Garaikidearen Jaialdia (DNA) apirilaren 18an itzuliko da Lizarrako Los Llanos Kulturagunera, Ane Sagues eta Paula Puchalten ‘Mi carrera’ ikuskizunare...
Apirilaren 5ean, igandean, izanen da ‘Bunji, la pequeña Koala’ lanaren txanda, eta apirilaren 11n, larunbatean, ‘Dónde vas, Moby Dick?’. Sarreren prezioa 4 eurokoa izanen da ikuskizun bakoitzeko
