Itzuli
2024ko uztailak 24

Udalak eta Lizarrako Abokatuen Elkargoak hitzarmen bat sinatu dute etxebizitzaren arloko aholkularitza juridikoko eta bitartekaritzako zerbitzu bat abian jartzeko

Uztailaren 30ean jarriko da martxan, eta hitzordua eskatu behar da Hirigintza Arloan (udaletxeko beheko solairua)

Estella-Lizarrako Udalak eta Lizarrako Abokatuen Elkargo Ohoretsuak (ICA) hitzarmen bat sinatu dute, hiriko bizilagunentzat etxebizitzaren arloko aholkularitza juridikoko eta bitartekaritzako zerbitzu bat abian jartzeko.Marta Ruiz de Alda alkateak eta Bernardo Lacarra ICAkodekanoak gaur eguerdian sinatu dute hitzarmena; Udalak 7.000 euroko ekarpena egin du, eta urtebeteko indarraldia izanen du.

Laguntza udaletxeko beheko solairuan izanen da (Erregistro bidezko sarrera), Abokatuen Elkargoko abokatuen eskutik, eta uztailaren 30ean hasiko da.Aurretik hitzordua eskatu beharko da Hirigintza arloan, datuak eta kontsultaren arrazoia emanez.

Zerbitzua hilean bi egunetan egonen da martxan (astearteetan, txandakatuz), eta uztailaren 30ean hasiko da. 2024ko egutegia honako hau da: abuztuaren 20an, irailaren 3an eta 17an, urriaren 8an eta 22an, azaroaren 5ean eta 19an, eta abenduaren 10ean eta 17an. Ordutegia 10.00etatik 12.00etara izanen da.

NOTICIAS RELACIONADAS

Volver arriba