Ayuntamiento Estella-Lizarra Udala

Estella-Lizarrako Udalak eta ADAVAN elkarteak (Amiantoaren Biktimak Babesteko eta Laguntzeko Nafarroako Elkartea) lankidetza hitzarmena sinatu dute gaur eguerdian, Administraziotik elkartearen lana eta eskaerak babesteko eta ikusarazteko.

Nafarroan udal batek ADAVANekin sinatzen duen lehen hitzarmena da, eta hitzarmen hori Marta Ruiz de Alda alkateak eta Jose Bueno elkarteko presidenteak sinatu dute. Haiekin batera izan dira Isabel Vicuña, AGNI-BSHko Kaltetuen Plataformaren izenean, eta bertako hainbat kide; Juan Castilla, ADANVANeko bozeramailea; Rafael Villanueva Ingurumen zinegotzia; eta Txemi Perez de Eulate eta Blanca Regúlez, batzordearen kide diren zinegotziak.

Villanuevak gogora ekarri du gaur hitzarmena sinatzearekin amaitu den prozesua, eta gaineratu du jada partida bat prestatu zutela amiantoa kentzeko hainbat gunetan, hala nola geltokian edo San Pedron, eta aurki Canasan eginen dutela; jarduerak ere antolatu dituzte. “Kaltetuak bakarrik senti ez daitezen lagundu nahi dugu, lagunduago senti daitezen”, esan du.

Bere aldetik, Vicuñak gogorarazi du amiantoak nola eragin dien AGNI-BSHko langile askori eta inguruko jendeari (bizilagunak, arropa garbitzen zutenak…), eta gaineratu du Administrazioari eskatzen ari zaizkiola 6 hilabetean behin azterketak egin diezazkioten, “edozein momentutan gerta baitaiteke gaixotasunak jauzi egitea”.

Era berean, ikusteko moduan dagoen amiantoaren tokiko errolda bat eskatu du, eta hura kentzeko egutegi bat ezartzea, azken berrien ostean egungo BSHko langileei elkartasuna adierazi aurretik.

Bestalde, Castillak espero du Udalarekin sinatutako lehen hitzarmen hori “amiantoa den gaitz hori desagerrarazteko lantza-muturra izatea”.

Hitzarmenaren ondorioz, honako baldintza hauek ezartzen dira:

Amianto Nafarroako Biktimen Laguntzarako Elkarteak (ADAVAN) konpromiso hauek hartzen ditu:

• Herritar guztiei amiantoak eragindako arazoen berri ematea, sentsibilizazio-kanpainen bidez.
• Berariazko kanpaina bat egitea, zenbait udal-zentrotan hitzaldiak emanez.
• Gizarte-eragileekin, enpresa-sektorearekin, osasun-sistemarekin eta abarrekin lankidetzan aritzea. ukitutako pertsonen interesen alde egiteko.
• Udal Zerbitzu eta Arloak aholkatzea amiantoaren biktimei eta tokiko senideei laguntza eta aholkularitza emateko.

Estella-Lizarrako Udalak konpromiso hauek hartzen ditu:

• Kanpaina desberdinetarako behar diren antolakuntza eta beharrak kudeatzea.
• Gizarte-eragileen arteko koordinazioa kudeatzea.
• Behar den azpiegitura ematea eta hasitako ekintzetatik eratorritako gastuetan laguntzea.
• Amiantoaren biktimei eta udalerriko senideei aholkularitza eta laguntza ematea