Itzuli
2024ko irailak 20

Lizarrerria kiroldegian 101.450 euroko (gehi BEZa) inbertsioak eginen ditu Udalak

Aurki hasiko dira pabiloiko pista eraberritzen, eta horrek urriaren 14ra arte atzeratu du gerontogimnasia jardueraren hasiera; bi aste geroago amaituko da. Barandak ere aldatuko dituzte, segurtasun araudira egokitzeko, eta teilatuan zorroten berriak eta bizi lerro bat jarriko dituzte

Foto noticia

Lizarrerria kiroldegiko instalazioak hobetzeko hainbat inbertsio eginen ditu aurki Lizarrako Udalak. Guztira 101.450 euro (+ BEZa) inbertituko dira, hein batean Nafarroako Kirolaren eta Jarduera Fisikoaren Institutuak (INDAF) emandako 60.000 euroko dirulaguntzari esker.

Pista, hainbat urteren ondoren, lixatu eta bernizatu eginen da, eta kirol gehiagorako marren pintaketa eginen da: saskibaloia, eskubaloia, areto futbola, badmintona eta boleibola. Baita Udalaren armarria ere erdigunean. Lanak Talleres Palautordera enpresari esleitu zaizkio, 37.954 euroren truke (+ BEZa).

Lan horiek direla eta, bi aste atzeratuko da gerontogimnasia jardueraren hasiera, urriaren 14ra arte, jarduera pabiloiko pistan egiten baita. Konpentsazio gisa, bi aste geroago amaituko da, udaberrian.

LAN GEHIAGO

Horrekin batera, barandetan hobekuntza integrala eginen da, araudira egokitzeko eta erabiltzaileen segurtasunagatik eskalagarriak ez izateko, batez ere txikienentzat. 356 metro linealetan esku hartuko dute, Talleres Murietak eginen dtitu (35.422 euro gehi BEZa).

Amaitzeko, gimnasio eta igerileku inguruko teilatuko ur zorrotenak egokituko dituzte, 17.100 euroren truke (+ BEZa) (Aguirregoicoa Ona). Eta teilatuan bizi lerro bat ere jarriko dute, lanak egin ahal izateko. Azken lan hori Sima Vertical enpresak eginen du (10.974 euro gehi BEZa).

 

ERLAZIONATUTAKO BERRIAK

Volver arriba