Estella-Lizarrako Udaleko Gizarte Eskubideen Arloak, Kirol eta Jarduera Fisikoaren Arloarekin eta Osasun Zentroarekin lankidetzan, proiektu aitzindari bat jarri du abian hirian, La Merced auzoko emakumeen artean bizimodu osasungarriak sustatzeko. Hasiera batean, ekimen hori auzotik bertatik sortu zen.
Programan 12 emakume inguruk hartuko dute parte. Lizarrerria kiroldegian astean behin jarduera fisikora hurbiltzeko aukera izanen dute, asteazkenetan 15:00etatik 16:00etara, urriaren 19tik abenduaren 21era.
Zehazki, igeri egiten hasteko lau saio antolatu dira: esperimentazio saio bat muskulazio gelan, zumba klase bat eta multifitness saio bat, guztiak ere kiroldegiko langileek gidatuak. Gainera, Osasun Etxeak elikadura eta ohitura osasungarriei buruzko hitzaldia prestatu du.
Programa bukatutakoan, izan duen erantzuna ebaluatuko da, eta ez da baztertuko beste talde edo elkarte batzuekin jarraitzea. Emakume-talde hori etorkizunean bizitza aktiboa izaten jarraitzera animatzea da azken helburua.
Oso garrantzitsua da iktus bat agertzen denean garaiz esku hartzea, pazientea ahalik eta hobekien sendatzeko. Izan ere, azkar tratatzen ez bada, iktus batek ondorio suntsitzai...
Estella-Lizarrako Gazteriaren Etxean, urriaren 12tik 15era, hiriko I. Xake Txapelketa Inklusiboa egin zen, Nafarroako Itsuen Kirol Elkarteak antolatuta, eta hiriko Udalaren la...
Atzo, irailaren 21ean, NAOn argitaratu zen Estella-Lizarrako Udalak sustatzen duen kirol klubentzako dirulaguntzen deialdia, bai oinarrizko kirola duten klubentzat, bai oinarr...
