Ayuntamiento Estella-Lizarra Udala

Estella-Lizarrako Udalak, larunbatean, irailaren 23an, Kirolaren Europako Eguna antolatu du estreinakoz, Kirol Kontseilu Gorenak, Nafarroako Kirolaren Institutuak eta Europako Batzordeak elkarrekin sustatutako jarduera.

Nafarroan, Iruñean eta Lizarran bakarrik eginen da, Nafarroako Kirolaren Institutuak hala proposaturik. Kasu honetan, hamar modalitatetako hamaika kirol klubek hartuko dute parte, eguerdiko 12etatik gauera. Jarduerak Sortzez Garbiaren pasealekuan (trafikoari itxita), San Andres kalean eta Santa Klara aparkalekuan eginen dira. Ostiralean, Europako Autorik gabeko Egunean, hainbat ekitaldi eginen dira.

Carlos Rubio, Kirol eta Osasun zinegotziak aurkeztu du programa eguerdian, klubetako ordezkariekin batera. Larunbatean Lizarreria eskubaloia, CA Iranzu atzetismoa, Belmecher eta CB Lizarra (badminton), CB Oncineda saskibaloia, Ega Kayak, San Miguel pilota, Alekhine xakea, Lizar Judo kluba eta Lizarrako hockeya emakume beteranoak. Horrela, bertaratzen direnek leku horretara egokitutako diziplina horiek guztiak praktikatu ahal izanen dituzte.

INSKRIPZIOAK

Parte hartu nahi dutenek 12:00etatik aurrera eman beharko dute izena, ordu horretan hasiko baitira jarduerak eremu iraunkorretan. Klubek prestatutako tokietan eginen dira eta, gainera, informazio mahai bat izanen da Sortzez Garbiaren pasealekuan, sasoiko eta hurbileko frutekin. Izena ematearekin batera, plastiko birziklatuzko botilekin egindako eskuoihal bat eta Kirol Kontseilu Gorenak emandako banda elastiko batzuk banatuko dira.

Halaber, kartilla batzuk banatuko dira, hazi-paperez inprimatuta daudela eta landatu egin daitekeela eta hazi horiek nola sortzen diren ikusteko.

Aparteko jarduera gisa, arratsaldean 1, 2 eta 3 kilometroko lasterketak eginen dira 6 eta 12 urte bitarteko haurrentzat, Santa Klara aparkalekutik. Espazio horretan bertan, 21:00etan, zumba-fitness-jarduera bat eta luzatze global aktiboa (EGA) izanen dira. Eta, amaitzeko, 22:00etan, yoga ere eginen da Santa Klarako aparkalekuan.

KIROLAREN EUROPAKO ASTEA

Jarduera hori Kirolaren Europako Astearen parte da. Europako Batzordeak sedentarismoari aurre egiteko ekimena da, eta Europako Batasuneko herrialde guztietan eta kanpoko batzuetan eginen da, 40 herrialde izan arte.

Helburua da “gizarte-estamentu guztiak inplikatzea, biztanleen artean jarduera fisikoa eta elikadura-ohitura onak sustatzeko ekintza bat edo gehiago egin ditzaten”. Izan ere, azaltzen dutenez, “gero eta sedentarismo handiagoaren eta kontsumo-ohitura txarren ondoriozko gizentasun larriaren aurka borrokatu behar da, ariketa fisikoan eta elikadura egokian oinarritutako bizimodu osasungarria bultzatuz”.