Estella-Lizarrako Udalak, Gabonetako erakusleihoen lehiaketarekin batera, “Jaiotzen ibilbidea” lehiaketaren lehen edizioa jarri du abian aurten, herriko dendetan erosketak bi aldiz sustatzeko. Bi ekimen horiek independenteak dira bata bestearengandik eta, aldi berean, osagarriak, eta, beraz, saltoki bakoitzak aukera dezake batera, bestera edo bietara sartu nahi duen.
Erakusleihoen lehiaketa klasikoa da dagoeneko, eta aurten 1.800 euro banatuko ditu saritutakoen artean, ekimen honi atxikitako saltokietan erosketak egiteko. Izena emateko epea azaroaren 24an bukatuko da.
Hiriko establezimenduen inplikazioa sustatzeko eta herriko merkataritzan kontsumoa sustatzeko asmoz, lehiaketa berriro ere gure hirira itzuliko da. Oinarriek ezartzen dute erakusleihoak abenduaren 2tik urtarrilaren 7ra bitarte muntatuta egon beharko dutela, San Andres ferietan ere egon daitezen.
Parte hartu nahi duten establezimenduek izena eman behar dute. Horretarako, mezu elektroniko bat bidali behar dute helbide honetara: desarrollo.local@estella-lizarra.com, eta datu batzuk eman: establezimenduaren jabearen izena eta IFZ; establezimenduaren izen komertziala eta zein adarretakoa den; kokalekua (kalea eta zenbakia), eta harremanetarako telefonoak (mugikorra eta finkoa). Bi asteko epea dute, azaroaren 24ko 14:00ak arte.
Sariak 1.000 euro izanen dira lehen sailkatuarentzat, 500 bigarrenarentzat eta 300 euro hirugarrenarentzat. Azken hori bozketa herrikoiaren bidez aukeratuko da Udalaren webgunean, azken urteetan bezala. Sormena, kokapenaren originaltasuna, elementu apaingarriak edo argiztapena bezalako alderdiak hartuko dira kontuan.
Esan bezala, kanpainarekin bat egiten duten saltokietan bakarrik trukatu ahal izanen dira sariak. Parte hartu duten establezimenduen kopuruak gora egin du azken urteetan: 45, 2022an; 38, 2021ean; eta 37, 2020an.
“JAIOTZEN IBILBIDEA” LEHEN LEHIAKETA
Berritasun moduan, Gabonetako kanpainaren barruan, eta aldi berean, Udalak “Jaiotzen ibilbidea” izeneko lehen lehiaketa antolatu du aurten ere, hiriko eta merindadeko Jaiotzazaleen Elkartearen laguntzarekin. Elkarteak jaiotza bat lagako dio interesa duen saltoki bakoitzari. Erakusleihoan jarriko du abenduaren 2tik urtarrilaren 7ra, eta aipatu ibilbidean sartuko da.
Helburua da herritarrek jaiotzak dauden saltokietako ibilbidea egin eta horietako bakoitzean zigiluak edo sinadurak biltzea. Ibilbide osoa egiten dutenak 500 euroko bi sariren zozketan sartuko dira. Sari horiek ibilbide honi atxikitako dendetan erosiz trukatuko dira.
Erakusleihoekin bezala, saltokiek azaroaren 24ra arte eman behar dute izena desarrollo.local@estella-lizarra.com helbide elektronikoan. Helbide horretan adierazi behar dira dendako ordezkariaren izena eta IFZ, izen komertziala, kokapena, helbide elektronikoa eta harremanetarako telefonoa.
Lehiaketaren helburua da beste pizgarri bat sortzea, herritarrak tokiko dendak bisitatu eta bertan erosketak egitera joan daitezen.
Estella-Lizarrako Udalak gaurtik abenduaren 4ko 14:00ak arte irekiko du izena emateko epea 2024. urteko Gabonetako deskontu-bonuen kanpainaz baliatu nahi duten hiriko saltoki ...
Estella-Lizarra prestatzen ari da astebete eskasean urteko hitzordu garrantzitsuenetako bat ospatzeko: San Andres Feriak 2024. Azaroaren 29tik abenduaren 1era (ostirala, l...
Lehen aldiz, sua pizteko ekitaldi ofiziala eginen da, Gabon kantak, haurrendako jolasak eta txokolatada batekin. Udalak argiztapena are gehiago indartu du, 8 metroko izei berri bat, 2 elur-orein, ibiltzeko moduko arku bat edo Deierri eta Fray Diego kaleetako faroletan dekorazioa gehituta
