Ayuntamiento Estella-Lizarra Udala

Aurten ere, Estella-Lizarrako Udalak bat egiten du martxoaren 8arekin, Emakumearen Nazioarteko Eguna, ospatzeko programazioarekin, genero berdintasunaren aldeko borroka ikusarazi nahi duena. Oraingo honetan, kanpainak azpimarratu nahi du berdintasunak oraindik ere justizia sozialeko kontua izaten jarraitzen duela.

Berdintasun formala legeetan eta araudietan onartuta egon arren, errealitateak erakusten du emakumeek eguneroko bizitzan oztopo esanguratsuak izaten jarraitzen dutela. Euren gain hartzen duten lanaldi bikoitza eta hirukoitza, baita soldata arrakala eta lidergo postuetan ordezkaritzarik ez izatea ere, gainditu beharreko erronkak dira oraindik.

Estatistiken arabera, Nafarroan emakumeek gizonek baino %20 gutxiago irabazten dute eta lidergoan %36 baino ez dira. Gainera, 2020an lanaldi partzialeko enpleguen %80 baino gehiago emakumeek betetzen zituzten, eta familiarekiko betebeharrek lanaldia baldintzatzen dutela diotenen %87 ere emakumeak dira.

Hori dela eta, aurten, Lizarrako M-8ko programazio bereziak emakumeak hainbat gunetan ikusarazi nahi ditu, kultura eta hausnarketarako jarduera batzuen bidez. Hona hemen egitaraua:

• Martxoaren 5ean, 19.00 – Cineforum Los Llanos Kulturagunean, Maria Castejonekin. Calladita filma emanen dute, luxuzko etxetzar batean etxeko langile kolonbiar baten istorioa kontatzen duena. Sarrera: 3.00 euro.
• Martxoaren 7an, 20.00 – Antzerkia ‘Cristinas’ (Tdiferencia) Los Llanos Kulturagunean. Ama-alaben arteko harremanari eta urteetan izan duten bilakaerari buruzko komedia. Sarrera: 3.00 euro.
• Martxoaren 8an, 17.30 – Bakarrizketa ‘La reina de la fiesta. El show de la impostora’ Txoko Feministan. Ikuskizunen munduan emakumeek duten lan prekarietateari buruzko umorezko hausnarketa. Sarrera doan.
• Martxoaren 8an, 19.00 – Manifestazioa Mugimendu Feministak eta Estella_Lizarrako Emakumeek deitua. Irteera udaletxetik.
• Martxoaren 9an, 10:00 – Hitzaldi-aurkezpena eta aldi bereko xake-partidak Daylin Magariñorekin, xake-txapeldun absolutua, Maria Vicuña Gazteriaren Etxean.
• Martxoaren 9an, 16.00h – Xake Txapelketa Laura Jordana ‘In Memoriam’. Izen ematea WhatsApp bidez telefono honetan 699 121 300.
• Martxoaren 11n – I. Lizarraldeko Feminismoen Eskolaren hasiera.