Ayuntamiento Estella-Lizarra Udala

Estella-Lizarrako Udalak guztira arratoiak eta intsektuak hiltzeko 24 ekintza egin zituen iaz, zerbitzu hori esleitua duen Control Plus enpresaren bitartez. Hiru hilean behin gutxi gorabehera egiten diren lau ekintza programatuez gain, beste hogei egin ziren, herritarren abisuak zirela eta.

Hain zuzen ere, herriko estolderian arratoiak hiltzeko lau tratamendu orokorrak urtarrilean, apirilean, uztailean eta urrian egin ziren, aurreikusita zegoen bezala. Baina beste hogei ekintza gehiago izan ziren.

Horiek horrela, adibidez, otsailean, Foruen plazan, Santiago plazan, Kale Nagusian, Ibarran, Deierrin eta Txantonan karraskarien abisua eman zen; martxoan, Nabarrerian eta Tailer Eskolaren inguruan; apirilean, Huarte Donibanekoa Doktorea kalean, Ibarran, Arkijasen, Eztandetan eta Foruen Plazan; eta maiatzean, Zezenen kalexkan eta Koroatze plazan.

Arratoi-garbiketei dagokienez, abuztuan tratamendu orokor bat egin zen estolderian, eta berariaz jardun zen Sortzez Garbiaren pasealekuan, San Martin plazan, Deierri etorbidean eta Imberto Eskultorearen kalean; eta irailean, Aben Sheraq kalean, Sortzez Garbiaren pasealekuan, Deierrin, Arquijasen eta Gustavo de Maeztu museoaren inguruan.

Uda ondoren, urrian San Migel inguruan aritu ziren ibaiaren ondoan, Gramatika Estudioetan, Odol Emaileetan, Orreagan eta Antso Azkarrean; azaroan, Deierrin, Frai Diegon, Juan de Labriten, Herrerosen, Nabarrerian, Santiago plazan, Gartzia Berritzailean eta San Andresen; eta abenduan Arieta auzoan.

Ekintza horietako lau intsektuak hiltzeko izan zen, Koroatze plazan (maiatzean), San Migelen (ekainean), Antso Azkarrean (urrian) eta berriz ere Koroatze plazaren inguruan, azaroan.

Ekintza horiek egiteko, izurriteen kontrol-produktuak banatzen dira estolderietako kutxatilen barruan, gainerako animaliek uki ez dezaten haien toxikotasuna dela eta. Horrela egin behar izatea, batzuetan, zailagoa izaten da arratoi-populazio batera iristea.