Estella-Lizarrako Udalak dirulaguntzen deialdia ireki du, 2025. urtean kultur jarduerak antolatzeko eta euskararen erabilera sustatzeko. Kultura, Ondare eta Jai Batzordearen eta Euskara Batzordearen bidez, guztira 10.500 euro emanen dira laguntzetan: 8.500 € kultur jarduerak antolatzeko eta 2.000 € eguneroko bizitzan euskararen erabilera sustatzen duten ekimenetarako.
Laguntza hauek Lizarrako elkarte eta norbanakoei zuzenduta daude, betiere jarduera publikoak, irekiak eta gizartean eragina dutenak egiten badituzte. Lehentasuna emanen zaie belaunaldien arteko partaidetza, berdintasuna eta kultur aniztasuna sustatzen dituztenei.
Eskaerak egiteko epea 2025eko urtarrilaren 1etik irailaren 30era arte egonen da irekita. Oinarriak hemen kontsulta daitezke.
‘Annual Gathering of Pilgrims’ Estatu Batuetako elkarte garrantzitsuenak antolatuta, lehen aldiz herrialde horetatik kanpora aterako da, Lizarrako Donejakue Bidearen Lagunen Elkartearen bultzadari esker. Gutxienez 350 bisitari bertaratzea espero da, eta hirian hartuko dute ostatu, jardueraz beteriko ekitaldi batean parte hartzeko
Nafarroako Dantza Garaikidearen Jaialdia (DNA) apirilaren 18an itzuliko da Lizarrako Los Llanos Kulturagunera, Ane Sagues eta Paula Puchalten ‘Mi carrera’ ikuskizunare...
Apirilaren 12an Speculum Vitae-k (Iruñea) zikloa irekiko du, 19an Txilindron (Gares) eta 26an 5senti2 (Berriozar). Sarreren prezioa 5 eurokoa izanen da ikuskizun bakoitzeko
