Estella-Lizarrako Udalak hainbat jarduera antolatu ditu 2026ko Zuhaitz Eguna dela eta. Aurten, martxoaren 23an eta 25ean izanen da.
Programazioa astelehenean, martxoaren 23an, hasiko da, ‘Hiriko zuhaitzen egoera Lizarran’ izeneko hitzaldiarekin. Hitzaldia Ahora Clima taldeak emane du, 19:00etan, Frai Diego Kultur Etxean. Udalarentzat egin berri duten azterketari buruzkoa izanen da.
Jarduerek martxoaren 25ean, asteazkenean, jarraituko dute, hainbat ekintza parte-hartzailerekin. Goizean zehar, ikastetxe ezberdinetako ikasleek Los Llanos pasealekuan dagoen ‘Etorkizuneko Basoa’ izenekoan zuhaitzak landatzen eta babesten parte hartuko dute. Ekimen honen helburua da belaunaldi gazteenak inplikatzea ingurune naturala zaintzen eta hiriko berdeguneekin duten lotura indartzea.
Arratsaldean, 16:30etik aurrera, landare bizikorrak landatuko dituzte herritarrek Los Llanos pasealekuan eta hiriko txorko eta loreontzietan. Topagunea Gustavo de Maeztu kalea izanen da, Lizarra Ikastolako patioko atearen parean. Herritarrek parte har dezakete jarduera horretan, eta helburua da hiri-eremuko landaredia hobetzea, eta, aldi berean, auzokoen inplikazioa sustatzea ingurunea zaintzeko. Amaitzeko, txokolate-jana izanen da.
Lehen Hezkuntzako bigarren eta hirugarren mailako 250 ikasle inguruk bat egin dute gaur Lizarrako Udalak antolatutako Zuhaitz Egunarekin.Goiz osoan zehar, ikastetxe guztie...
Konpromisoa da hiriko hainbat eraikin adierazgarrien argiak itzaltzea 60 minutuz
Ikerketak hainbat gune arazotsu aurkitu ditu, eta horietan jarduteko premia dago, batez ere Alde Zaharrean
