Udalak Gabonetan antolatutako Jaiotzen Ibilbideko eta elurrezko panpinaren gaineko lehiaketetako sariak zozketatu dituzte
Lau irabazleek 500 euro jasoko dituzte, herriko dendetan egindako erosketengatik trukatzeko
2025eko azaroak 28
Udalak Gabonetako argi gehiago paratuko du, hiriko haurren marrazkietan inspiratuta
Hautatutako bost marrazkiak, ikastetxe bakoitzeko bat eta Kale Nagusian jarriak, argi-arku bihurtu dira CI Politeknikoaren eta tokiko enpresen lankidetzari esker. Aurten ere Gabonetako argiak jarriko dira San Pedroko eskaileran eta Gartzelako zubian
Estella-Lizarrako Udalak Eguberrietako argiztapena handitzearen aldeko apustua egin du aurten, oso proposamen berezi batekin: 2024ko Gabonetako Marrazkien Eskola Lehiaketara aurkeztutako marrazkien hautaketa txiki bat argietan irudikatzea.
Guztira, bost lan hautatu dira, ikastetxe bakoitzeko bat, kontuan izanik argietan erreproduzitzea bideragarria izanen zela eta koloretako argietan transformatzean bere esentziari eutsiko ziotela. Marrazki hauek Kale Nagusian jarritako sei argi-arku diseinatzeko oinarria izan dira (marrazkietako bat errepikatu egiten da konposizioa osatzeko).
Argiak egiteko, inguruko bi enpresez gain, Lizarrako CI Politeknikoko ikasleek lagundu dute, zehazki, Mantentze Elektromekanikoko Erdi Mailako eta Elektrizitate eta Elektronikako Oinarrizko Mailako ikasleek.
Gaur eguerdian aurkeztu dute ekimena, Turismo, Merkataritza eta Ostalaritza Departamentuak kudeatuta. Cristina Perez zinegotziak parte hartu duten ikasleen inplikazioa eskertu du, irakasle talde batekin batera aurkezpenera etorri baitira.
Hamar marrazki hautaturik
Aukeratutako bost marrazkiak Duna Galilea Aramendiak (Lizarra Ikastola), Enma Gonzalez Solak (Santa Ana Ikastetxea), Noa Aretio Medranok (Mater Dei), Nora Campos Diazek (Remontival IP) eta Sofía Villar Alegriak (Puyko Ikastetxea) egin zituzten.
Beste berritasun batzuk
Aurtengo argiztapena leku berriekin handituko da, hala nola San Pedro Ruakoa elizako eskailerak eta Gartzelako Zubia, dekorazio-multzoari gehituko zaizkionak.
Inaugurazioa igande honetan, azaroaren 30ean, izanen da, 18:00etan. Adrian Sanz de Acedo, aurtengo alkate txiki, izanen da botoia sakatzeaz arduratuko dena. Musika Bandak eta Musika Eskolako ikasleek girotuko dute ekitaldia.
ERLAZIONATUTAKO BERRIAK
Curcuma Loradenda enpresak irabazi du 2025eko Gabonetako Erakusleihoen Lehiaketa
Bigarren saria Farmazia Goyachek eskuratu du, eta herritarren saria, 1.563 botorekin, Optica Navarrak
Udaletxean jarritako elurrezko panpina handi bat izanen da aurtengo Gabonetan hiriko haurrei zuzendutako bi lehiaketaren protagonista
Ekimenak marrazki lehiaketa bat eta panpinaren izena asmatzeko beste bat biltzen ditu, 500 euroko bi sarirekin, tokiko merkataritzan erosketetan truka daitezkeenak. Kanpainan parte hartu nahi duten establezimenduek ostegun honetan, abenduaren 18an, 14:00ak arte dute izena emateko epea