Estella-Lizarrako Udalak Foruen plazako arkupeak osorik zaharberritzea bultzatzen du
Dagoeneko Vianako Printzearen aldeko txostena du, eta baita memoria bat ere, erreforma 290.240 eurotan (+ BEZa) baloratzen duena
2026ko otsailak 24
Udalak bost lursail erosi ditu Alde Zaharrean, berdegunea duen plazatxo bat egokitzeko, eta eraikin txiki bat egitea aztertzen ari da, herritarrek erabiltzeko
333,46 m2-ko azalera hartzen dute Puy eta Tecenderia kaleek bat egiten duten tokian, eta akordio batera iritsi dira jabe diren bi enpresekin truke bat egiteko. Udalak, bost lurzatiez gain, 238.913 euroko konpentsazioa jasoko du, Frai Diego kalean dagoen etxebizitza libreko lurzati batean parte hartzearen truke
Estella-Lizarrako Udalak, trukearen bidez, Alde Zaharreko bost lurzati eskuratuko ditu, Puy eta Tecenderia kaleek bat egiten duten tokian, berdegune bat izanen duen plazatxo bat atontzeko, eremua biziberritzeko. Gainera, auzotarrei zerbitzua emanen dien eraikin txiki bat eraikitzeko aukera aztertuko da.
Hirigintza batzordeak aho batez oniritzia eman ondoren, eta proposamen horretan hainbat hilabetez lan egin ondoren, Udalak, 40-87 metro karratu zuten lursail horien jabe ziren bi enpresa sustatzaileekin akordio batera iristea lortu du.
Udalak ondoko bost lursailen 333,46 metro karratuak erosiko ditu eta, gainera, 238.913 euroko konpentsazioa jasoko du, Frai Diego kalean, Ega ibaiaren bazterrean, duen bizitegi-erabilera libreko partzela batean duen parte-hartze osoaren truke (% 68,65). Izan ere, Udalak besterentzen duen udal partzelaren balioa 477.934,49 eurotan tasatu da, eta Alde Zaharreko partzelak, berriz, 239.020,64 eurotan.
Alkatetzak trukea formalizatzeko ebazpena eman ondoren, osoko bilkurari martxoko bilkuran emanen zaio horren berri.
POZA AKORDIOAGATIK
Marta Ruiz de Alda alkatea pozik agertu da erabakiarekin. “Lan handia egin ondoren, azkenean lortu dugu laster udalarena izanen den gune hau eskuratzea. Alde Zaharra biziberritzeko lehentasunak bultzatu gaitu plaza publiko bihurtzea proposatzera, auzotarrek topaleku batez gozatzeko aukera izan dezaten”, adierazi du.
Gainera, adierazi du, “auzoaren egoitzarako espazio txiki bat sartzeko aukera aztertuko dugu, eta horrek komunitatearen zentzua sendotzen lagunduko du.
Proiektu honen helburua da eremu saturatu hori arintzea, gizarte-harremanetarako gune berriak eskaintzeaz gain, berdeguneak ere eskaintzea, eremu horretako bizi-kalitatea hobetuko dutenak, zona horretan hainbeste behar dena”.
ERLAZIONATUTAKO BERRIAK
UE-21ean, Deierri Etorbidean, eraikiko diren lehenengo 19 VPTetako bat (Prezio Tasatuko Babes Etxebizitzak) eskuratu nahi dutenek dagoeneko izena eman dezakete NASUVINSAn
Estella-Lizarrako Udalak UE-21 (Estella Boulevard) Exekuzio Unitatearen bizitegi-garapenean beste aurrerapen baten berri eman du: Deierri etorbidean, zezen-plazaren ondoan...
Curtidores kalea itxita egonen da obrak direla eta, otsailaren 23tik aurrera
Datorren astelehenetik, otsailaren 23tik, aurrera, Curtidores kaleko joan-etorria, oinezkoena zein ibilgailuena, murriztu eginen da, Lizarrako Udalak eremu horretan egin behar...