XXX. ‘Maria de Maeztu Saria’ Narratiba Lehiaketan parte hartzeko epea zabalik
La Asamblea de Mujeres de Estella-Lizarra, con la colaboración del Área de Igualdad del Ayuntamiento, ha convocado el XXX Certamen de Narrativa ‘Premio María de Maezt...
2026ko apirilak 20
Estella-Lizarrako Udaleko Berdintasun Arloak feminismoei eta berdintasunari buruzko 68 liburu sartu ditu Jose Maria Lacarra Liburutegi Publikoan
Ekimenak eduki horietarako sarbide publikoa indartzen du, eta kulturaren bidez gizartea sentsibilizatzen laguntzen du
Estella-Lizarrako Udaleko Berdintasun Arloak genero, feminismo eta berdintasun gaietan espezializatutako 68 liburu eman dizkio gaur, astelehena, Jose Maria Lacarra Liburutegi Publikoari. Ekimen honen bidez, espazio publiko horretan dagoeneko existitzen den Feminismoen atala indartu eta zabaldu egiten da, eta herritar guztiei eduki horietarako sarbidea errazten die.
Udal baliabideen zeharkakotasun eta optimizazio ikuspegiari erantzuten dio proposamenak, eta, aldi berean, liburutegia berdintasunarekin, genero ikuspegiarekin eta emakumeen eskubideekin zerikusia duten materialen zabalkundean erreferentzia puntu gisa sendotzen laguntzen du. Era berean, ekintza honek gizartea sentsibilizatzea eta berdintasunezko balioak bultzatzea sustatzen du, kulturarako eta informaziorako sarbide librearen bidez.
Jarduera hori berdintasunaren zeharkakotasunaren lanaren eta Nafarroako Kulturaren 2024-2028 Plan Estrategikoaren barruan sartzen da, eta bat egiten du emakumeen eta gizonen arteko berdintasunerako Plan Estrategikoarekin (2022-2027). Zehazki, Kultura, Kirol eta Turismo Departamentuaren Urteko Programaren parte da, azken plan hori inplementatzeko tresna operatibo gisa. Bere helburuen artean, gizarte eta kultura partaidetzan genero-arrakalak murriztea, emakumeek esparru guztietan egiten dituzten ekarpenak ikusaraztea eta haien lana sustatzea daude.
Liburuak emateko ekitaldian parte hartu dute Marta Ruiz de Alda alkateak, Azucena Polo Manzano Berdintasun zinegotziak, eta Iosune Ojer Nafarroako Gobernuko Liburutegi Proiektuen Bulegoko buruak.
Proiektu hori posible izan da, hain zuzen ere, Udalak berdintasuna sustatzeko duen kanpoko laguntza teknikoari esker, gaur egun BerHezi aholkularitzak garatua, eta Jose Maria Lacarra Liburutegi Publikoko langileen aholkularitzari esker
Esan beharra dago Udalak 14.500 euroko partida ere baduela urtean liburutegiko funts bibliografikoa hornitzeko liburuak erosteko. Liburutegiko funts bibliografikoa Udalaren titulartasunekoa da, baina bertako langileak Nafarroako Gobernuaren mende daude.
ERLAZIONATUTAKO BERRIAK
Udalak aurkeztu du Martxoaren 8a, Emakumeen Nazioarteko Eguna dela eta antolatutako jardueren egitaraua
Aurten ere bat egiten du tokiko erakundeen Berdintasun tekniken kanpainarekin, oraingoan ‘Feminismoari esker… gaur izan, egon, esan eta erabaki dezakegu’ lelopean
Aste Santuko ludoteka Estella-Lizarrara itzuliko da apirilaren 7tik 10era, eta izena emateko epea martxoaren 9an, astelehenean, hasiko da
Estella-Lizarrako Udaleko Berdintasun Arloak Aste Santuko Ludotekaren edizio berri bat jarri du martxan. Apirilaren 7, 8, 9 eta 10ean eginen da, eskolako oporraldiarekin b...