Dagoeneko hasi dira Curtidores kaleko zati garrantzitsu bat hobetzeko lanak, Done Jakue Bidetik hirirako sarreran.
Hiru jarduketa eginen dira aldi berean: Rua kaletik Hilobi Santuko zelaien ingururaino urbanizazio osoa eginen da, oinezkoen eta ibilgailuen trafikoaren arteko bizikidetza hobetuz; elizaren aurrean 9 metroko zabalerako plazatxo bat ere eginen da; eta, azkenik, paisaia-izaerako lanak eginen dira: zuhaixken errei bat, jardinerak jartzea, eta landare-kamuflaje bat, Fortunato Agirre zubiaren egitura edertzeko.
Obrak egiteko gehienezko epea 3 hilabetekoa da, eta aurrekontua 470.000 eurokoa. Horietatik 362.000 euro Done Jakue Bideko ibilbideetako toki-erakundeentzako dirulaguntzen deialdietatik lortu dira, ostatu zirkularretarako, atseden hartzeko eta paisaiak konserbatzeko eremuetarako, eta mugikortasun jasangarrirako (Suspertze, Transformazio eta Erresilientzia Plana, Europar Batasunak finantzatua-Netx Generation EU).
‘Annual Gathering of Pilgrims’ Estatu Batuetako elkarte garrantzitsuenak antolatuta, lehen aldiz herrialde horetatik kanpora aterako da, Lizarrako Donejakue Bidearen Lagunen Elkartearen bultzadari esker. Gutxienez 350 bisitari bertaratzea espero da, eta hirian hartuko dute ostatu, jardueraz beteriko ekitaldi batean parte hartzeko
Udalak, Cristina Perez zinegotziak eta Marta Ruiz de Alda alkateak ordezkatuta, Helmuga Turistiko Adimendunaren bereizgarria jasoko du SEGITTURen eskutik, eta eredu hori sortzen ari diren helmuga txikietan ezartzeari buruzko mahai-inguru batean parte hartuko du
Fortunato Agirre zubiaren azpian dagoen eremu osoa hobetuko da eta plazatxo bat sortuko da Hilobi Santuaren aurrean. Hiru jarduera horiek 470.000 euroko inbertsioa ekarriko dute, eta 362.000 euroko dirulaguntzei esker gauzatuko dira
