Estella-Lizarrako Udaleko Tokiko Gobernu Batzordeak, gaurko bilkuran, hasiera batean onetsi du Oncinedako Kirol Gunearen Plan Berezia, hirian hain desiratua den atletismo pista egiteko aukera emanen duena.
Onespena behin betikoa izanen da erabakia Nafarroako Aldizkari Ofizialean argitaratu eta alegazioak ebazten direnean.
Gobernu taldeak hurrengo asteetan pistaren proiektua idazteko lizitaziora ateratzeko plegua prestatu nahi du. Nafarroako Parlamentuan duela gutxi onetsi zen 20.000 euroko aurrekontu zuzenketa, nahiz eta agian ez den aski proiektu osoa ordaintzeko; beraz, Udalak zati bat ordaindu beharko luke.
Dena aurreikusitakoaren arabera badoa, hurrengo pausoa pista egitea izango litzateke, aurten hasi ahal izanen litzatekeena, baina dena finantziaziorik dagoen ala ez, horren menpe egonen da.
Atletismo pista bat eraikitzea eskaera historikoa da hirian, batez ere Iranzu Atletiko Klubean, ez baitu bere kirol jarduera egiteko moduko instalaziorik.
Atzo, irailaren 21ean, NAOn argitaratu zen Estella-Lizarrako Udalak sustatzen duen kirol klubentzako dirulaguntzen deialdia, bai oinarrizko kirola duten klubentzat, bai oinarr...
Izena ematen dutenek hainbat modalitate egin ahal izanen dituzte egun osoan, aldi berean 40 herrialdetan egiten den ekitaldi batean
Espainiako Itzuliaren hamabosgarren etapa datorren igandean, irailaren 10ean, izanen da Lizarran. Hiria 14.48tik 14.56ra zeharkatuko du, gutxi gorabehera, antolatzaileen k...
