Estella-Lizarrako Udalak datozen asteetan La Inmaculada pasealekuko tarte garrantzitsu bat asfaltatzeko eta Príncipe de Viana kalearen parean dagoen ondoko lurzatian aldi baterako aparkalekua egokitzeko lanak egingo ditu. Jarduketa horiek trafikoan eraginak sortuko dituzte inguruan.
Zehazki, aurreikusita dago La Inmaculada pasealekuko 400 metro lineal inguru asfaltatzea, San Andres kalearen eta Doctor Huarte de San Juan kalearen arteko zatian. Halaber, Príncipe de Viana kalearen ondoan dagoen lurzatia —joan den azaroan eraikin bat eraitsi zen tokian— behin-behineko aparkaleku gisa egokituko da, eta gutxi gorabehera 50 aparkaleku sortuko dira.
Lurzoruaren jabe den enpresak aldi baterako lagatako espazioa da, eta bertan aparkalekuak erabilgarri egongo dira etorkizunean etxebizitzak eraikitzeko lanak hasi arte; oraingoz ez dago lan horien hasiera-datarik zehaztuta. Aparkaleku berri horiek guztiak ZELen (Zirkulazio Mugatuko Aparkaleku Eremua) barruan sartuko dira.
Lurzorua egokitu ahal izateko, datorren astean, otsailaren 16tik 20ra, hondakinak garraiatzen dituzten kamioiak sartzea aurreikusi da, lurzatia bete eta berdintzeko.
Otsailaren 16an, astelehena, gaur egun dagoen aparkalekua hustuko da. Ondoren, otsailaren 17tik 20ra, egunero kamioiak sartzea espero da La Inmaculada inguruko lurzatira. Ibilgailuak Doctor Huarte de San Juan kaletik, kontrako noranzkoan, sartuko dira, eta horrek zirkulazio-neurri bereziak hartzea eskatuko du.
Lan horien ondorioz, trafikoan eraginak izango dira La Inmaculada pasealekuan eta Gustavo de Maeztu kalean, eraikina eraitsi zenean izandakoen antzera. Lanek irauten duten bitartean, bi bideak trafikorako itxita egongo dira.
Aparkalekua eta bidea asfaltatzeko lanak otsailaren 23 inguruan hastea aurreikusten da, lurzatia betetzeko eta berdintzeko lanak amaitutakoan.
Estella-Lizarrako Udalak UE-21 (Estella Boulevard) Exekuzio Unitatearen bizitegi-garapenean beste aurrerapen baten berri eman du: Deierri etorbidean, zezen-plazaren ondoan...
333,46 m2-ko azalera hartzen dute Puy eta Tecenderia kaleek bat egiten duten tokian, eta akordio batera iritsi dira jabe diren bi enpresekin truke bat egiteko. Udalak, bost lurzatiez gain, 238.913 euroko konpentsazioa jasoko du, Frai Diego kalean dagoen etxebizitza libreko lurzati batean parte hartzearen truke
Datorren astelehenetik, otsailaren 23tik, aurrera, Curtidores kaleko joan-etorria, oinezkoena zein ibilgailuena, murriztu eginen da, Lizarrako Udalak eremu horretan egin behar...
