Esteklla-Lizarrako Udalak eta Nafarroako Enplegu Zerbitzuak-Nafar Lansarek (SNE-NL) bultzatzen dituzten Ibilgailuen Karrozeria eta Igeltserotza Tailer Eskola berrietan parte hartzeko izena emateko epea zabalik dago. Interesa duten pertsonek modu telematikoan aurkeztu ahal izanen dute eskaera, eskura dauden 30 plazetako bat lortzeko —15 espezialitate bakoitzeko—. Programa horiek urriaren 15ean hasiko dira, eta prestakuntza teorikoa eta ordaindutako lan-esperientzia konbinatzen dituzte.
Lantegi-eskolek 20 hilabete inguru iraunen dute, 2028ko ekainera arte, eta aukera ematen dute gazte langabeek lanbide-prestakuntza, lan-esperientzia eta lan-merkatuan sartzeko aukera handiagoa izan dezaten.
Lehenengo bi hilabeteetan, ikasleek prestakuntza beka bat jasoko dute, ikaskuntzako hasierako fasea garatzen duten bitartean. Aldi horretan, gai hauekin lotutako edukiak irakatsiko dira: ingurumen-sentsibilizazioa, lan-aurreko prestakuntza, gaitasun gakoak, gaitasun digitalak eta espezialitate bakoitzeko ezagutza espezifikoak.
Abenduaren 15etik aurrera, parte-hartzaileak Estella-Lizarrako Udalak kontratatuko ditu, txandakako prestakuntza kontratu baten bidez. Etapa horretan, 1. eta 2. mailako ziurtagiri profesionalei dagozkien moduluak prestatuko dituzte, eta espezialitate bakoitzeko gizarte-ekintzari lotutako lanak garatuko dituzte, bai igeltserotzan, bai ibilgailuen karrozerian.
Kontratazioak irauten duen bitartean, ikasleek Lanbidearteko Gutxieneko Soldataren % 65aren pareko ordainsaria jasoko dute.
BALDINTZAK, IZEN-EMATEA ETA HAUTAKETA
Lantegi-eskola horietan sartzeko, beharrezkoa da langabezian egotea, Nafarroako Enplegu Zerbitzuan lan eskatzaile gisa agertzea eta txandakako prestakuntza kontratua formalizatzeko indarra duen araudian ezarritako baldintzak betetzea.
Izen-ematea online bakarrik egin behar da, formacion.navarra.es web orriaren bidez. Hor ere kontsultatu daiteke bi prestakuntza-programei buruzko informazio guztia.
Izena emateko epea amaitu ondoren, irailean 30 plazak esleitzeko hautagaiak aukeratzeko prozesua eginen da.
Interesdunek Nafarroako Gobernuaren prestakuntza ataritik zuzenean sar daitezke Igeltserotzako Tailer Eskolaren eta Ibilgailuen Karrozeriako Tailer Eskolaren deialdietara.
IGELTSEROTZAKO INSKRIPZIOA:
KARROZERIAKO INSKRIPZIOA:
Estella-Lizarrako Udalak gaur publikoki aitortu eta eskertu nahi izan du Udalaren Tailer Eskolan garatutako Prestakuntza eta Enpleguko azken Programa Integratuan (PIFE) parte ...
Estella-Lizarrako Udalak 3 urte arteko haurrentzako kontziliazio zerbitzua eskainiko du aurten ere udan Izen-ematea ekainaren 15etik 19ra egingo da, Udalaren Egoitza Elektr...
Estella-Lizarrako Udalak laguntza deialdi bat onartu berri du datorren udan hizkuntza desberdinetako kanpalekuetara joaten diren haurrentzat. Deialdi bat dago, gehienez 2.000 ...
