Estella-Lizarrako Udalak 2024ko dirulaguntzen deialdia egin du, hirian gazte jarduerak sustatzeko. Deialdia Gazteriaren Arloaren mende dago eta aurten 16.000 euroko zuzkidura du.
Proiektuak Gazteria Batzordeetan aurkez daitezke eta 2024. urtean gauzatu behar dira. Laguntza horien bidez, gazteek jarduerak antolatzeko modua bultzatu nahi da, baita komunitatean aktiboki parte hartzea ere, sormena eta berrikuntza bultzatzearekin batera.
Diruz laguntzen ahal diren proiektuen artean, hauek sartzen dira: gazteak gizartean eta komunitatean aktiboki eta parte hartuz gizarteratzea bultzatzen duten proiektuak; astialdiko jarduerak, prestakuntzakoak eta jolasekoak; gazteen mugikortasunerako proiektuak; harremanak eta bizikidetza, hausnarketa eta eztabaida sustatzen dituzten proiektuak; gizon eta emakume gazteen arteko berdintasuna eta errespetua sustatzen duten proiektuak; ohitura osasungarriak sustatzea; argitalpenak, etab.
Oinarriak esteka honetan kontsulta daitezke: https://www.estella-lizarra.com/wp-content/uploads/2024/02/GAZTEENTZAKO-JARDUERAK-BULTZATZEKO-DIRU-LAGUNTZAK-2024.pdf
Argibide gehiagorako, Gazteriaren Etxean.
Estella-Lizarrako Udaleko Gazteria Arloak, Nafarroako Gobernuko Gazteriaren Institutuarekin eta Erasmus+ programarekin lankidetzan, 2025eko udarako kanpamentu eta gazte-t...
Maiatzaren 17an, Lizarrako Gazteriaren Etxean, herriko III. Robotika Lehiaketa eginen da, hiru kategoriarekin: MiniSumoa, Abiadura-lasterkariak eta Labirintoa. Kategoria bakoi...
Gazteria Arloak hainbat ekintza antolatu ditu Aste Santuko oporretarako gazteei begira.Apirilaren 19an, larunbata, Deskontrol escape room egonengo da Deskontrolekin, doan,...
