Helbide fiskala Lizarran duten ibilgailu elektrikoen titular diren pertsona eta entitateek %20 murriztu ahalko dute Udalak autobus-geltokiaren ondoan paratutako udal zutoinetan egiten diren kargen prezio publikoa. Kargatze horiek laster martxan jartzea espero da.
Horretarako, Udalak datorren asteazken honetan, ekainaren 24an, irekiko du Udalaren titularitateko karga-posteen erabilera arautzen duen ordenantzan aurreikusitako %20ko hobaria eskatzeko epea. Horretarako, izapide bat egin beharko da Egoitza Elektronikoan, esteka honetan: https://sedeelectronica.estella-lizarra.com/carpetaciudadana/tramite.aspx?idtramite=10799
Egoitza fiskala Lizarrako udal mugapean duten pertsona fisiko edo juridikoen ibilgailuei zuzenduta dago neurri hau, mugikortasun jasangarria sustatzeko eta herritarren eta tokiko enpresa-sarearen artean emisio txikiko ibilgailuen erabilera bultzatzeko.
Gaur egun, 22 kW-eko edo hortik beherako potentzia duen karga erdi-azkarreko zerbitzu honetarako ezarritako prezio publikoa 0,30 euro izanen da kilowatt-orduko (kWh), eta zenbateko hori urtero eguneratuko da ordenantzan ezarritakoaren arabera.
Udalaren kargatze-zutoinak ‘Navarra te recarga’ mugikorretarako aplikazioaren bidez soilik erabiliko dira, udal araudian ezarritako erabilera-baldintzei jarraikiz. Zutoinak laster martxan jartzea espero da, enpresak sare elektrikorako konexioa laster guztiz amaitzen duenean.
Lorezaintza eta Ingurumen udal-zerbitzuek sustatutako jarduerak zuhaitzak gehitzea, ureztatze-sistema eraginkorrak eta oinezkoen segurtasuna hobetzea uztartzen ditu
Gaur arratsaldean aurkeztu da Basartea enpresak egin duen Lizarrako Baso-suteen Arriskuari aurre egiteko Udal Jarduera Plana. Rafael Villanueva Ingurumen zinegotziak eta enpre...
Maiatzaren 14an, ostegunean, Udalak PAMIF aurkeztuko die herritarrei, Lizarrako Baso Suteen Kontrako Udal Jarduketa Plana. Suaren aurrean azkar eta seguru jarduteko ibilbi...
