Estella-Lizarrako bi industrialde nagusiak Bideko Autobidearen (A-12) loturaren inguruetan kokatuta daude eta, beraz, kokapen ezin hobean, Iruñetik eta Logroñotik ozta-ozta 45 kilometrotara autobiaz, eta Vitoria-Gasteizetik bakarrik 70 kilometrotara.
Merkatondoakoa, batez ere zerbitzuena, hiriko erdialdetik hurbilenen dagoena da, Miguel de Eguia, berriz, zabaldu den azkena, NA-122 errepidearen ondoan dago eta, oraingoz, 65.000 metro karraturen bat baditu. Hainbat tamainatako lursailak ditu enpresak instalatzeko eta Miguel de Eguia Parke Teknologikoa barne hartzen du, eraikin moderno bat 2011n inauguratua eta 8,3 miloi euroko inbertsioa suposatu zuena.
Eraikinaren barnean Zentro Teknologikoaren instalazioak daude, Naitec kudeatzen dituztenak eta inprimatze funtzionalera emana dagoena, eta enpresa mintegi bat Udaletik beratik kudeatuta. Areto bat badu, behar bezala egokitua ekitaldietarako.
Dagoeneko poligono honen zabalpen bat proiektaturik dago, Nafarroako Gobernuak, 2019ko abenduan, 300.000 metro karratuen erosketaren berri eman ondoren aipatu zabalpenerako. Foru Gobernuak, Nasuvinsa erakunde publikoaren bidez, 2,5 milioi euro inbertitzeko asmoa dauka hurrengo bi urteetan, izapide guztiak egiteko eta lehenbiziko 50.000 metro karratu etorkizuneko enpresen esku jartzeko eremu horretan, UE-2 deitutakoa.
Industria-lurzoruan interesaturik dauden enpresek Estella-Lizarrako Udalarekin jarri ahal dira harremanetan, 948 548200 telefonoan. Une honetan hainbat lursail eskuragarri daude, 3.200 eta 11.240 metro karratuen artekoak.
NAITECNAITEC automobila eta mekatronika zentro teknologiko bat da eta mugikortasun jasangarrian eta mekatronikoan bikaintasun zentroa izatea du helburu, nazioarteko erreferentzia izanen duena. Bi sektoreen bultzada teknologikoa sustatu eta enpresen lehiakortasuna hobetuko du.
Zentro hau fundazio pribatua da, Nafarroako Gobernuaren eta NUParen (Nafarroako Unibertsitate Publikoa) ekimenaren bidez sortu zena. Aipaturiko bi erakunde horiez gainera Fundazioaren Patronatuko kide dira SODENA, ADItech korporazio teknologikoa, Acciona, Ingeteam, Viscofan, Meper Taldea, Laboral Kutxa, KYB, Dana, Volkswagen Nafarroa, Antolin Taldea, Entecnia eta Integralia.
NAITECek ingurunearekiko irtenbide berritzaile eta errespetuzkoak eman nahi ditu, ezagutza diferentziala sortuz eta transferituz, mundu-mailako merkatura orientaturik. Irtenbideak lau negozio-unitatetan zehazten dira: mugikortasuna, mekatronika, zerbitzu teknologikoak eta negozio berriak.
Zentro teknologiko honek hiru egoitza ditu. Egoitza nagusia Iruñean, beste bat Noainen eta hirugarrena Estella-Lizarran. Lizarrako instalazioetan inprimatze funtzionalarekin zerikusia duten jarduerak kontzentratzen dira. Eraikin horretan 10 lagunen batek lan egiten du eta urtean, batez beste, 12 proiektu garatzen dituzte enpresekin. Jarduera hori egiteko ekipamendu espezifikoa dauka, horrez gain, instalazio pilotu bat badu, horrek produktu inpresoen garapenak egitea ahalbidetzen du, industriaurreko mailaraino.
- Parke Teknologikoa
- Zaraputz kalea, 1
- Telefonoa 848 420 800
- info@naitec.es
ENPRESA MINTEGIAEstella-Lizarrako Udalak enpresa mintegi bat du Parke Teknologikoaren barnean, ekonomia-baldintza oso onuragarriak dituena. 4 tailer astun, 7 tailer arin eta 4 bulego dituelarik. Bertan instalatzeko interesa dutenek erantsitako dokumentazioa kontsultatu ahal dute.
