Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

2020eko ekainak 9

Ibilaldi dibulgatzaile bat inguruko landaredian barrena Estella-Lizarrako erdigunetik mugitu gabe

Sorkunde Garbiaren pasealekuaren zati bat oinezkoentzat jartzeko kokatu diren lore-ontziek hiriaren inguruko zuhaixka-espeziak erakusten dizkigute

Foto noticia

Estella-Lizarrako Udalak duela aste gutxi Sorkunde Garbiaren pasealekuko ezkerreko erreiaren zati handi bat gaitu zuen oinezkoentzat, Udaletxean bertan hasita eta Osasun Etxeko ingurura helduz.

Erreia lerro berde batez mugatu zen eta oinezkoa babesteko beste elementu batzuk ere jarri ziren, hala nola, egurrezko lorontzi batzuk, zeinetan hiriaren inguruan dauden zuhaixka espezie ugari jarri baitira.

Era berean, lore-ontzi bakoitzak plaka txiki bat du, eta bertan dagoen testuan zehazten dira, gaztelaniaz eta euskaraz (baita latinez ere), zuhaixka horren izena eta horren ezaugarrien azalpen labur bat. Gurbitza, ezpela, zuhandorra, basaerramua, gorostia, ipar ipurua, izpiliku fina, elorri beltza edo abaritza dira aukeratutako espezietako batzuk, baita txorbeltza edo karraskiloa, zumakea, arkakaratsa, erratza, hagina, erromeroa, andura eta legeltxorra ere.

Beraz, proiektu horren bidez, leku gehiago hartzen da oinezkoentzat, batez ere distantzia soziala gorde behar den une honetan, eta, gainera, ibilbide dibulgatzaile originala aurkezten da inguruko zuhaixka-espezieak ere ezagutarazteko.

Proposamena Landa Garapen eta Ingurumen batzordean sortu zen; eta bai espezieak aukeratzeko, bai bakoitzari dagokion testuak egiteko Udalaren Lorategietako Brigadaren langileek laguntza eman dute.

NOTICIAS RELACIONADAS