Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

Informazio gehiago
Itzuli
2021eko azaroak 23

Ekitaldi ugari izanen dira ostegun honetan, azaroaren 25a dela eta

Ostegun honetan, Emakumearen aurkako Indarkeria Desagerrarazteko Nazioarteko Egunean (A-25a), hainbat ekitaldi antolatu dira Lizarran.

Berdintasun Arloak kontzentrazioa eginen du 12:00etan udaletxeko atean, eta omenaldia eginen die azken urtean eraildako emakume guztiei. Horietako bakoitzagatik kanpai bat joko du, izenak irakurriko dira, eta aurreskua dantzatuko da musikarekin, Julián Romano Musika Eskolaren eskutik. Gainera, Alkateak eta Udalbatzako hainbat zinegotzik aurtengo manifestua irakurriko dute.

Goizean ere, Gurutze Gorriarekin batera, herritarrak sentsibilizatzeko materiala jarriko da kalean. Eta Lizarraldea BHIn, 09:30ean, ‘Nagore Laffage’ filma proiektatuko da, Asun Casasolak, Nagoreren amak, eta Berdintasun Arloak parte hartuko dute mahai-inguru batean.

Arratsaldean, mugimendu feministak kontzentrazioa deitu du Foruen plazan (19:00etan).

Era berean, gogoratu behar da larunbatean, azaroak 27, Fanzine Feministen tailerrak jarraituko duela Txoko Feministan (10:00) eta 29an ‘Bidean’ erakusketa irekiko dela, RuidoPhotorekin, udaletxeko beheko solairuan.

 

 

 

 

NOTICIAS RELACIONADAS