Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

2020eko uztailak 10

Haurrendako euskarazko programazioa udarako, Estella-Lizarran eta inguruko herrietan.

Foto noticia

Estella-Lizarrako Udalak, Lezaun, Oteitza eta Villatuertakoekin batera, Irantzu Mankomunitatearekin eta Garean Elkartearekin, haurrendako ekitaldi programa bat antolatu du udarako, ‘Udan blai’ izenarekin. Igande honetan hasiko da, uztailak 12, eta irailaren hasieran bukatuko da.

‘UDAN BLAI’

“Udan Blai” izenarekin “Blai” eta “Bai” hitzekin jolastu nahi izan dugu: Blai, bustitzea, jolastea, dibertitzea, murgiltzea… eta Bai, baikortasuna, erabakia. Udan Blai, Udan Bai, eta beraz Udan ere Bai euskaraz Blai.

Udalak udarako kultur programazio aberatsa antolatzen ari dira eta, haien baitan, baita euskarazko proposamenak ere. Horiekin batera Garean elkarteak eta euskara zerbitzuek ere euskarazko aisialdia ekarri nahi dute gure plazetara.

Udan Blai ideiak behar ugariri erantzuten dio. Batetik, tokian tokiko eta unean uneko kultur programetan euskaraz diren ekitaldi horiek nabarmentzea, oharkabean pasa ez daitezen. Bestetik, eskualdearen koordinazio ahalegina, euskarazko eskaintzari dagokionez agenda koherente bat izateko. Hirugarrenik, euskaraz ikasten duten haurrek hizkuntza-errepertorio zabala izan dezaten, ez soilik formala edo akademikoa, beharrezkoa baita gozatu bitartean euskaraz aritzea: plaza, areto eta antzokietako kultur emanaldiekin barre edo negar egitea, edota zur eta lur geratzea bizi osorako gera daitezkeen esperientzia ederrak bilakatu daitezke eta beste hizkuntza-errepertorio batzuk barneratzen lagundu dezakete.

Azkenik, kezka bati erantzuten dio. Hizkuntzak era komunitarioan ikasten dira hobekien, taldean, aurrez aurre, ahalik eta ordu gehien eginez eta egoera ezberdinetan hitz eginez. Eskolek hori eskaini dezakete, baina eskola telematikoen garai honetan eta udako oporraldi betean gaudela, haur askok aukera gutxiago izan dute euskaraz mintzatzeko. Udan Blairen asmoa ere bada bertako familia hauei zein bisitatzen gaituztenei kalitatezko eta gozamenezko espazioak eskaintzea udan zehar.

Azkenik, gogoratu nahi dugu ekitaldiak egin ahal izateko, osasun-neurriak bete beharko direla, bereziki gutxieneko distantzia errespetatzea eta jarduera guztietara norberak bere maskara ekartzea. Halaber, jarduera bakoitzaren arduradunak emandako jarraibideei jaramon egin beharko zaio. Oharrekin bukatzeko, aipatu edukiera mugatua izanen dutela ekitaldiek.

ANTOLATZAILE: Estella-Lizarra, Deierri,  Lezaun, Oteitza eta Lezaungo udalak. Irantzu mankomunitatea. Garean elkartea.

LAGUNTZAILE: Abartzuza, Gesalatz eta Jaizko udalak. Nafarroako Gobernua. Lizarra Ikastola, Remontibal IP, Zumadia IP

 

JARDUERAK

Uztailaren 12a, igandea

Zinema emanaldia: “Oker”

Villatuerta, Kiroldegiko erabilera anitzeko aretoa

19:00. Familia artekoa. Doan

Uztailaren 13a, astelehena

Liburutegi ibiltaria

Aritzala, Montalban Gizarte Etxea

12:00 -14:00. 4 -12 urte. Doan

Uztailaren 15a, asteazkena

Hodei magoa: “Tutti magia”

Los Llanos kulturagunearen lorategia

20:00. Familia artekoa. 2€

Uztailaren 20a, astelehena

Liburutegi ibiltaria

Aritzala, Montalban Gizarte Etxea

12:00 -14:00. 4 -12 urte. Doan

Uztailaren 22a, asteazkena

Zientzia tailerra

Errezu, elkartean

18:30. 4-12 urte. Doan (izen ematea 663219250)

Uztailaren 27tik 30era

Hiri udalekuak

Abartzuza

16:00 -19:00. 3 -10 urte. Doan (izen ematea 622154523)

Uztailaren 28a, asteartea

Zirika zirkus: “Zinemaz Blai”

Los Llanos kulturagunearen lorategia

20:00. Familia artekoa. 2€

Abuztuaren 2a, igandea

Kiki eta Moko pailazoak

Allotz

18:30. Familia artekoa. Doan

Abuztuaren 5a, asteazkena

Izeba Tekla (musika, jolasa eta pianoa)

Lezaun

18:30. Familia artekoa. Doan (erreserbatzeko 622 154 523)

Abuztuaren 7a, ostirala

Hodei magoa: “Ordu magikoa”

Oteitza

21:30. Familia artekoa. Doan

Abuztuaren 9a, igandea

Ginkana eta jolasak

Villatuerta, Osasun etxeko parkea

11:00

6 urtetik aitzina. Doan (izen ematea 661 665 111 whatssapean)

Abuztuaren 12a, asteazkena

Apaxi ipuin kontalaria, bi saio

Los Llanos kulturagunearen lorategia

19:30.  5-9 urte ipuin kontaketa

22:00. 10 urtetik gora Beldurrezko ipuinak. 2€

Abuztuaren 15a, larunbata

Ameli ipuin kontaketa

Muetz, Gesalazko kiroldegiko frontoia

19:30. Familia artekoa. Doan

Abuztuaren 19a, asteazkena

Euskal dantza tailerra

Deierri

18:30

Edozein adinetarako. Doan (izen ematea 663219250)

Abuztuaren 22a, larunbata

Karrikara jolasak

Jaitz

12:00. 6 urtetik aitzina (izen ematea 622 154 523). Doan

Abuztuaren 26a, asteazkena

Olatz Salvadorren kontzertua

Los Llanos kulturagunearen lorategia

21:00. 2€

Irailaren 4a, ortzirala

Zinema estreinaldia: “Tess-en uda”

Lezaun. 20:30

Familia artekoa. Doan

Irailaren 5a, larunbata

Izeba Tekla (musika, jolasa eta pianoa)

Oteitza

20:30. Familia artekoa. Doan

 

NOTICIAS RELACIONADAS