Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

2021eko azaroak 29

Estella-Lizarrak Gabonetako argiak estreinatuko ditu bihar, 10 metroko altuerako izei berri batekin, erakargarritasun nagusia dena

Datorren astean deskontu-bonuen kanpaina berri bat jarriko da abian herriko dendetan, Udalak diruz lagunduta. Inoiz baino parte hartze gehiago Gabonetako Erakusleihoen Lehiaketan, 38 saltokirekin

Estella-Lizarrako Udalak eta Merkatarien, Ostalarien eta Zerbitzuen Elkarteak, eguberrietako kanpainarekin lotutako hiru ekimen aurkeztu dituzte eguerdi honetan Koroatze plazan: Gabonetako argiak (bihar, azaroak 30, 18:00etan piztuko dira, San Andres egunarekin batera), deskontu-bonuen kanpaina tokiko dendan erosketak egiteko eta Erakusleihoen Lehiaketa.

Pablo Ezkurra, Ekonomia eta Enpresa Garapeneko zinegotziak azaldu duenez, Udalak ahalegin ekonomiko handia egin du aurten hiriko Gabonetako apainketa eta argiztapena indartzeko. Izan ere, normalean instalatzen ziren elementuei beste batzuk gehitzen zaizkie, berriki erosi direnak eta orain dela egun batzuetatik arreta erakartzen dutenak.

Besteak beste, 10 metroko altuerako Gabonetako izei erraldoia, Koroatze plazan kokatua; 3 x 3,60 metroko bola ibilgarria, Santiago plazan, argi-girlanda batzuen ondoan, eta beste zortzi motibo Koroatze plazako eta San Andres kaleko farolentzat. Horrek guztiak 41.115,69 euroko aurrekontua du, gehi BEZa.

Horrez gain, 15 arku handi daude Sorkunde Garbiaren pasealekuan, Nafarroa Beherean eta San Andresen, eta beste 17, txikiagoak, Kale Nagusian, Fray Wenceslao de Oñate, Comercio, Caldereria, Izarra, Rua, Nafarroa Beherean eta Gustavo de Maeztu karriketan. Elementu horiek guztiak alokatzeak 7.570 euroko kostua du, gehi BEZa.

Eta ez dira faltako aurreko urteetan erositako beste elementu batzuk ere, hala nola San Juan elizako argi-gortina, kioskoaren motiboak eta Foruen plazako farolak.

Baita geltokiko eraikinean ohiturez jarri izan diren gortinak ere, orain berezko argiak duenez, udaletxe zaharrean jarri dira, San Martin plazan.

 

BONUEN KANPAINA

Zinegotziak azaldu duenez, Udalak 50.000 euroko bonuen kanpaina berria eginen du, 44.000 euro erosketak diruz laguntzeko eta beste 6.000 euro kudeaketa, sustapen eta abarretarako. Kanpaina abenduan hasiko dela, adierazi du Loreto San Martín elkarteko kudeatzaileak. Bonuek %20ko deskontua dute, hau da, 40 eurorekin 50 gastatzeko bonu bat erosten da, adibidez.

Aurreko kanpaina, duela pare bat aste amaitu zena eta Udalak beste 50.000 euro bideratu zituena, arrakastatsua izan zen, bonu guztiak agortu zirelako, honekin gertatzea espero den bezala. Bonoak www.bonosestella-lizarra.com webgunean edo Merkatarien Elkartearen bulegoan erosten dira, eta 160 saltokik baino gehiagok hartzen dute parte.

ERAKUSLEIHO LEHIAKETA

Bestalde, gaur jakinarazi da Udalak antolatutako 2021eko Gabonetako Erakusleihoen Lehiaketan 38 establezimendu daudela izena emanda, eta 1.000 euro banatuko dituela parte hartzen duten saltokietan erosketak egiteko truka daitezkeen sarietan. Lehen saria 500 eurokoa da, bigarrena 300ekoa eta hirugarrena, herritarrena, 200ekoa. Herri-saria abenduaren 10etik 19ra, Udalaren web orrian bisita daiteke.

Erakusleihoak ostiral honetarako jarri beharko dira, feriarekin batera. Datu ikusgarri gisa, lehiaketako parte-hartzearen errekorra hautsi da (2020an 37 izan ziren).

NOTICIAS RELACIONADAS