Ayuntamiento Estella-Lizarra Udala

Estella-Lizarrako Udalak zortzi proiektu aurkeztu ditu Nafarroako Gobernuaren Toki Inbertsioetarako Planaren (TIP) deialdi berrian. Zortzi jarduketa horiek 932.229,18 euro gehi BEZa suposatuko lukete, baloratutako memorien arabera, eta aukeratu dira finantzaketa jasotzeko aukerak kontuan hartuta, baita gauzatzeko beharra eta premia ere.

“Badakigu hirian behar eta premia gehiago daudela, baina denak ezin dira deialdira aurkeztu oinarrietan lekurik ez dutelako”, azaldu du Koldo Leoz Garciandia alkateak eta Hiri Plangintzako Batzordeburuak, eta gaineratu du “aztertutako proposamen guztiak ikertu ondoren aurkeztu ditugun zortziak dira aukera gehiago dituztenak finantzaketa lortzeko (Nafarroako gainerako herriekin norgehiagokako prozedurari jarraikiz erabakitzen baita”), eta kontuan hartzen da, halaber, zenbat eta pertsona gehiagok izan onura lortuko dutenak”.

Leozen esanetan, Na+ eta PSNren proposamenak ere kontuan hartuta lan egin da batzordean, eta zortziak “oso lotuta daude hiriaren hiri-bilbea hobetzeko lan-ildo estrategikoekin”, hau da, mugikortasuna, jasangarritasuna, irisgarritasuna eta segurtasuna”.

Zortzi inbertsio-proposamen dira, beraz, “hiri adeitsuago, irisgarriagoa eta seguruagoa lortzeko, jasangarritasun-estandar altuekin eta inguruko bi herriekin (Aiegi eta Villatuerta) lotzeko”.

8 PROPOSAMEN

1. Espaloia egitea Estella-Lizarra eta Aiegi arteko lotunean, Karlos VII.an, Sabeco hipermerkatuaren parean. Helburu orokorrak: oinezkoen segurtasuna hobetzea eta Aiegirekin elkartzea. Aurrekontua: 18.799,85 euro + BEZa.
2. Udaletxeko oztopo arkitektonikoak kentzea. Horretarako, ate nagusia irekita egonen litzateke etengabe. Orain arte bulegoetako ordutegian erabateko irisgarritasuna dago, baina ez arratsalde, gau eta asteburuetan. Ibilbide bat egin nahi da beirateekin, sentsoreekin irekiko direnak eta Udaltzaingoak kontrolatutako tinbre batekin, baita bideo-zaintza ere. Helburu orokorra: eraikinaren irisgarritasun unibertsala. Aurrekontua: 14.204,95 euro + BEZa.
3. Belastegiko sarbidea konpondu eta hobetzea. Jarduketaren helburuak, bide segurtasuna eta jendea bizi den gune baterako irisgarritasuna hobetzea. Aurrekontua: 153.755,93 euro + BEZa.
4. Biribilgune bat egitea Zaldun, gasolina-zerbitzugunearen ondoko bidegurutzean, eta esku-hartze orokorragoa eremu horretan, Tximista hoteletik San Jose plazaraino doan espaloia hobetuz, plazara sartzeko eskailerak barne. Jarduketa hau Udalak San Jose plazan Nasuvinsaren eskutik egiten den Esku-hartze Orokorreko Plana dela-eta egin behar duen hobekuntzaren barruan ere sartzen da. Helburu orokorrak, bide eta oinezkoen segurtasuna hobetzea eta San Jose plazako PIGa osatzea. Aurrekontua, 188.602,14 euro + BEZa.
5. San Juan zubia zabaldu eta hobetzea, bi espaloiak hegalkinekin zabalduz, bakoitzak 2 metroko zabalera izan arte eta zirkulazioa bi noranzkoetan mantenduz. Helburua: oinezkoen segurtasuna hobetzea. Aurrekontua: 86.836,17 euro + BEZa.
6. Kiroldegiko igerileku klimatizatuaren sabaia jaistea, 7 metro ingurutik 3 metro ingurura. Helburua eraginkortasun energetikoa bilatzea da, gas kontsumoa asko murriztuko litzatekeelako. Aurrekontua: 137.751,07 euro + BEZa.
7. Autobus geltokiko eraikinaren irisgarritasuna hobetzea, igogailua jartzea barne, eta bigarren solairuan Coworking gunea egokitzeko obrak. Helburuak, eraikinaren %100eko irisgarritasuna eta enpleguaren sustapena. Aurrekontua: 219.577,14 euro + BEZa.
8. Espaloiaren tarte berria Iruñeko etorbidean, hilerrirako sarbidetik Verbo Divinoren Gainera, zebrabide berri bat prestatuko da, Ibiltoki Naturalarekin eta Villatuertaraino egiten ari den bizikletentzako bidearekin lotzeko. Aurrekontua: 112.701,93 euro + BEZa.